YEHEZKIEL 5:15 - KITTA' MATANGKASA'

¹⁵ Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 5:15 ပူးပေါင်းရင်းမြစ်များ

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

2 PATTOTTORANG 29:8

Nampa lanri larroNa Batara Nahukkummi tu Yehuda siagang Yerusalem. Na ikau nuasseng kabusu'mi antekamma ta'bangkana kabusu' siagang malla'na kabusu' ke'nanga.

PAMMUJI 39:11

Kialle laloi hukkunganTa battu ri kalengku, saba' a'birimma' mate napakamma pannunrunTa.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YEREMIA 23:40

LaKupa'jari siri'-siriki ke'nanga siagang a'jari tuna sa'genna satunggu-tungguna, kammayatompa anjo sarenna ke'nanga talanikaluppaiyai ri taua.”

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

YEHEZKIEL 11:9

LaKuerangko assulu' battu ri kotaya nampa Kupassareangko mae ri bansa maraeng. Le'ba'mi Kutappuki angkana laKuhukkung mateko.

YEHEZKIEL 14:8

INakke langngewai ke'nanga siagang Kupa'jari contoi mae ri maraengannaya. LaKupakabellai ke'nanga battu ri ummakKu, jari naassemmi ummakKu angkanaya iNakke Batara.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YEHEZKIEL 16:57

siagang tenapa nakaassengang kaja'dallannu? Kamma-kamma anne sangkamma le'ba' jako siagang ia; ikau nikakkali mako ri tu Edom, tu Filistin siagang sikamma siampi'nu birisika mae ri kau.

YEHEZKIEL 23:32

Nakana Batara Kaminang Tinggia, “Nua'luki bonena cangkiri'na daennu. Cangkiri' lompo na lantang. Bonena rassi kana pacau-cau siagang patoa-toai, musti nutarima battu ri taua.

YEHEZKIEL 25:17

LaKuhukkung lompoi ke'nanga siagang laKupa'betteseki larro boli'-bolikKu sa'genna sangga pakkasiakKu. Punna napisa'ringi ke'nanga pangngalarroingKu, naassemmi ke'nanga angkanaya iNakkemi Batara.”

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

KAIMANGNGANG 26:32

LaKuancuru' tabasikali pa'rasangannu, sa'genna ta'bangka sikali sikamma musu angngalleai pa'rasangannu anciniki antekamma heba'na anjo kapanrakanga.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

1 KORINTUS 10:11

Yangasemmi anjo kajariang mae ri ke'nanga, untu' a'jari conto mae ri tau maraenga. Kammayatompa nitulisi' ngaseng tommi anjo apa kajarianga untu' a'jari pappakainga' mae ri katte ngaseng. Nasaba' kamma-kamma anne nia' maki' attallasa' ri kala'busanna jammanga.

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.

PAOLE 28:46

Anjo sikamma balaya a'jari butti battu ri hukkunganNa Batara mae ri kau siagang jari-jarinu sa'genna satunggu-tungguna.