YEHEZKIEL 48:8 - KITTA' MATANGKASA'

⁸ Bageang buttaya anne nipaua irawa musti nisa'laki untu' nipake mae ri kaparalluang attantua. La'buna 12,5 kilometere' battu ri pa'baeng-baeng wara' sa'genna timboro'. Pa'baeng-baeng iraya siagang ilau' musti sangkammai la'buna siagang bageang-bageang nipassareanga mae ri suku-suku Israel. Anjo bageanga lanipappareki Balla'Na Batara.

YEHEZKIEL 48:8 ပူးပေါင်းရင်းမြစ်များ

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YEHEZKIEL 48:21

Butta ri bageang ilau' siagang irayaiya battu ri anjo daera nisa'laka untu' Balla'Na Batara, sikamma imanga, tu Lewi siagang anjo kotaya, iamintu untu' patugasa' pamarentaya. Ri bageang rayana anjo buttaya a'la'baki sa'genna mange ri pa'baeng-baeng iraya, siagang ri bageang ilau' sa'genna mange ri Tamparang Tangngaya, siagang ammantanga ri alla'na butta Yehuda siagang butta Benyamin.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

YEHEZKIEL 48:9

Sipa'gang battu ri anjo daera nisa'laka untu' Batara, iamintu se're bageang ri tangnga-tangngana anjo pa'rasanganga, la'buna 12,5 kilometere' siagang sangkara'na 10 kilometere'.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

KOLOSE 2:9

Nasaba' sikontu batangkalenNa Allata'ala nia'mi lalang ri KalenNa Almasi, iamintu lalang ri ma'rupataua.

PAPPICINI' 21:22

Tenai kucini' Balla'Na Allata'ala ilalang ri anjo kotaya, nasaba' ia Balla'Na Allata'ala iamintu KalenNa Batara, Allata'ala Kaminang Koasaya, siagang anjo Ana' Gimbalaka.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.

PAPPICINI' 22:3

Tena sikali lalang ri anjo kotaya apa-apa akkullea nataba pangngalarroiNa Allata'ala. Anjo empoang kala'biranNa Allata'ala siagang Ana' Gimbalaka niaki lalang ri anjo kotaya. Lanynyombami sikamma atanNa Allata'ala mae ri Allata'ala;