YEHEZKIEL 48:30 - KITTA' MATANGKASA'

^30-34 Pakke'bu' antamaya ri kota Yerusalem kabusu'na nia' sampulo anrua jaina. Appa'-appaka tembo'na ukkuranna massing rua siparapa' kilometere', siagang nia' tallu pakke'bu' lompona. Tunggala' pakke'bu' lompoa nisarei areng situru' areng kalase'renna suku Israel. Pakke'bu' lompo waraka niarengi; Ruben, Yehuda, siagang Lewi; irayaiya niarengi Yusuf, Benyamin, siagang Dan; timboroka niarengi Simeon, Isakhar siagang Zebulon; nampa ilauka niarengi Gad, Asyer, siagang Naftali.

YEHEZKIEL 48:30 ပူးပေါင်းရင်းမြစ်များ

PA'JARIANG 35:23

Ia ana' battua ri Lea iamintu Ruben (ana' bungasa'na Yakub), Simeon, Lewi, Yehuda, Isakhar, siagang Zebulon.

YEHEZKIEL 42:11

Ri dallekang sikamma kamara'na nia' lorong sangkammaya lorong niaka bageang wara'. Ukkuranna siagang modele'na kammayatompa sikamma pakke'bu'na sangkamma kabusuki.

YEHEZKIEL 45:6

Pantaranganna anjo tampa' matangkasaka, musti nia' todong nisa'la' tampa' 12,5 kilometere' la'buna siagang 2,5 kilometere' sangkara'na untu' se're kota akkullea napammantangngi inai-nai mamo battua ri bansa Israel.

YEHEZKIEL 48:16

Anjo kotaya modele'na musti appaki pasagi, tunggala' sa'rinna ukkurang rua siparapa' kilometere'.

PAPPICINI' 21:16

Anjo kotaya appasagi appaki; sangkammai la'buna siagang sangkara'na. Naukkuru'mi anjo malaekaka anjo kotaya, siagang takkang pangngukkuru'na; a'nassami angkanaya 2400 kilometere' la'buna, sangkara'na siagang tinggina sangkammaji la'buna.