YEHEZKIEL 48:1 - KITTA' MATANGKASA'

^1-7 Pa'baeng-baenna buttaya ri bageang wara' a'la'bu anraiki, appakkaramula battu ri Tamparang Tangngaya mange ri kota Hetlon, agang antamaya ri Hamat, kota Hazar-Enan, sa'genna mange ri pa'baeng-baenna kota Damsyik siagang kota Hamat. Suku-suku niaka nitappu irawa anne musti massing anggappai se're bageang battu ri butta iamintu luara'na battu ri pa'baeng-baeng bageang raya a'lampa kalau' sa'genna Tamparang Tangngaya; battu wara' a'lampa timboro' kammai anne susunna: Dan Asyer Naftali Manasye Efraim Ruben Yehuda

YEHEZKIEL 48:1 ပူးပေါင်းရင်းမြစ်များ

2 SAMUEL 24:2

Nampa nakanamo Daud mae ri Yoab panglimana tantarana, “A'lampako siagang sikamma komandanna tantaranu mange ri sikontu suku Israel ri sikontu pa'rasanganga untu' ansuro bilangi panduduka. Erokka' angngassengi jaina ke'nanga.”

YEHEZKIEL 47:13

Nakana Batara Kaminang Tinggia, “Iaminne pa'baeng-baenna butta lanibage-bagea mae ri sampuloa anrua suku Israel. Suku Yusuf annarimai rua bageang.

YEHEZKIEL 47:20

Pa'baeng-baeng bageang ilauka appakkaramula battu ri Tamparang Tangngaya, nampa a'lampa wara' ri se'reang tampa' ri laukanna agang antamaya ri Hamat.

YEHEZKIEL 47:23

Sikamma pandudu' bansa maraenga musti nisare tongi butta siagang suku Israel ri tampa' napammantangia ke'nanga. INakke, Batara Kaminang Tinggia, anne akkana.”

YOSUA 19:48

Anjo kota-kotaya siagang desa-desaya niaki lalang ri daera nipassareanga mae ri kaluarga-kaluarga niaka lalang ri suku Dan untu' a'jari pisakana ke'nanga.