YEHEZKIEL 47:4 - KITTA' MATANGKASA'

⁴ Nampa angngukkuru' pole 500 metere', na anjoreng je'ne'na sa'ge kulantuki. Angngukkuruki pole sa'genna 500 metere' bellana, na je'ne'na narapiki sa'ge aya'.

YEHEZKIEL 47:4 ပူးပေါင်းရင်းမြစ်များ

YEHEZKIEL 47:3

Angngukkuru' tommi anjo tu bura'nea siagang takkang pa'baku'na na naeranga' ampinawangi lo'loro'na anjo binangaya a'lampa anrai' sa'genna 500 metere' bellana, nampa nasuroa' a'limbang. Ri anjo tampaka, je'neka sa'ge tompo' pala' bangkenji.

YEHEZKIEL 47:5

Sikalipi pole angngukkuru' sa'genna 500 metere' bellana, na anjoreng lantang sikali je'ne'na punna lanioloi a'jappa bangkeng. Punna eroki taua a'limbang musti a'langei.

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

KOLOSE 1:6

Tassiara'mi anjo kabaraka alla'bang lino. Na nibarakkakimo katallassanna rupataua lanri anjo birittaya; sangkamma todong nibarakkakimi katallassannu appakkaramula ri nulangngere'na anjo passare malammoro'Na Allata'ala na nupahang baji'-baji'.