YEHEZKIEL 45:4 - KITTA' MATANGKASA'

⁴ Anjo tampaka matangkasaki, siagang nipasadiai untu' sikamma imang tugasaka anggaukangi ibadaya ri Balla'Na Batara. Sipa'gang battu ri anjo tampaka la'jari tampa' untu' balla'na ke'nanga, na sipa'gang pole untu' Balla'Na Batara.

YEHEZKIEL 45:4 ပူးပေါင်းရင်းမြစ်များ

YEHEZKIEL 40:45

Nakana anjo tu bura'nea ri nakke angkanaya anjo los a'dalle' timboroka nipasadiakangi sikamma imang tugasaka ri Balla'Na Batara,

YEHEZKIEL 40:46

nampa los a'dalle' waraka nipasadiakangi sikamma imang tugasaka ri tampa' pakkoro'bangnganga. Sikontu anjo imanga musti tau battu ri jari-jarina Zadok. Nasaba' battu ri suku Lewi poro jari-jarinaji bawang Zadok akkulle andallekang ri Batara untu' allayani ri Ia lalang ri wattu ibadana taua.

YEHEZKIEL 43:19

Imang jari-jarinaji bawang Imang Zadok battu ri suku Lewi akkulle battu mae ri dallekangKu untu' anggaukangi ibadaya. INakke, Batara Kaminang Tinggia amparentakangi anjo passalaka. Sarei ke'nanga sikayu sapi laki rungkaya untu' koro'bang pannangkasi dosa.

YEHEZKIEL 44:28

Sikamma imanga natarimai anjo jama-jamang imanga salaku bageang ri apa Kupassareanga mae ri Israel siagang jari-jarina. Takkulleai ke'nanga ammallaki apa-apa ri Israel: INakkemi a'jari apa-apanna, napatanga ke'nanga.

YEHEZKIEL 45:1

Ri tenanapa nibage-bagei anjo buttaya untu' a'jari butta pisaka mae ri tunggala' sukua, musti nisa'laki se're bageang untu' Batara. La'buna anjo tampaka musti 12,5 kilometere', siagang sangkara'na 10 kilometere'. Sikontu anjo tampaka nipa'jari matangkasaki.

YEHEZKIEL 45:3

Tawaruanna anjo tampaka, iamintu la'buna 12,5 kilometere' siagang sangkara'na 5 kilometere', musti nipasadiai untu' ambangungi Balla'Na Batara, iamintu tampa' kaminang matangkasaka.

YEHEZKIEL 48:8

Bageang buttaya anne nipaua irawa musti nisa'laki untu' nipake mae ri kaparalluang attantua. La'buna 12,5 kilometere' battu ri pa'baeng-baeng wara' sa'genna timboro'. Pa'baeng-baeng iraya siagang ilau' musti sangkammai la'buna siagang bageang-bageang nipassareanga mae ri suku-suku Israel. Anjo bageanga lanipappareki Balla'Na Batara.

PAMMILANGNGANG 16:5

Nampa nakana mae ri Korah siagang sikamma tumminawanna, “Ammuko bari'basa' laNappicinikangi Batara mae ri katte angkana inai umma'Na, siagang inai nisa'la' untu' mae ri KalenNa. Tau Napilea lanipa'biangi a'reppese' mae ri Ia.