YEHEZKIEL 45:22 - KITTA' MATANGKASA'

²² Ri allo makase'rea, patugasa' pamarentaya musti assarei sikayu sapi laki untu' koro'bang pannangkasi dosa mae ri kalenna siagang mae ri sikontu ra'yaka.

YEHEZKIEL 45:22 ပူးပေါင်းရင်းမြစ်များ

YEHEZKIEL 46:4

Ri allo Pammari-marianga patugasa' pamarentaya musti assarei mae ri Batara koro'bang nitunu, iamintu annang kayu ana' gimbala' siagang sikayu gimbala' laki, kabusu'na tena caca'na.

KAIMANGNGANG 16:5

Nampa umma' Israel musti napassareangi mae ri Harun ruang kayu bembe laki untu' koro'bang pammopporang dosa siagang sikayu gimbala' laki untu' koro'bang nitunu.

KAIMANGNGANG 4:13

Punna ia dorakaya iamintu sikontu umma' Israel, lanri tenana nakunjungi andakkai kalase'renna parentaNa Batara,

KAIMANGNGANG 4:14

jari tena nasallo ri niassennamo anjo dosaya, anjo ummaka musti angngerangi sikayu sapi laki rungka mae ri dallekang KemaNa Batara. Anjo olo'-oloka musti nipassareangi untu' a'jari koro'bang nipammopporanna dosaya.

KAIMANGNGANG 4:21

Nampa anjo sapi lakia musti nierangi assulu' na nitunu ri pantaranganna pakkemaanga, sangkamma nigaukanga ri passare sapi lakia untu' koro'bang nipammopporanna dosana kallena anjo Imang Lompoa. Kammaminjo batena nipassareang koro'bang untu' nipammopporanna dosana ummaka.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.