YEHEZKIEL 45:1 - KITTA' MATANGKASA'

¹ Ri tenanapa nibage-bagei anjo buttaya untu' a'jari butta pisaka mae ri tunggala' sukua, musti nisa'laki se're bageang untu' Batara. La'buna anjo tampaka musti 12,5 kilometere', siagang sangkara'na 10 kilometere'. Sikontu anjo tampaka nipa'jari matangkasaki.

YEHEZKIEL 45:1 ပူးပေါင်းရင်းမြစ်များ

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

YEHEZKIEL 42:16

Takkang pa'baku'na napake angngukkuruki sa'ri bageang rayana: 250 metere'.

YEHEZKIEL 48:29

Nakana Batara Kaminang Tinggia, “Kammami anjo carana nibage-bage buttaya mae ri suku-suku Israel.”

KAIMANGNGANG 25:23

Takkulleai nubalukang tampa'nu untu' situlina, nasaba' anjo tampaka teai ikau pata, passangalinna Allata'ala pata. Ikau poro sanrapang jako tau battu-battu, nisarea ising untu' ampakei anjo tampaka.

PAMMILANGNGANG 34:13

Nakanamo Musa mae ri bansa Israel, “Iaminjo butta lanutarimaya, iamintu punna nugoccang kamma loterei; butta mustia nubage mange ri salapang assitangnga suku bansa Israel situru' parentaNa Batara.

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

YOSUA 13:7

Jari, kamma-kamma anne bage-bagemi anjo buttaya mae ri salapanga suku lalang ri bansa Israel, siagang mae ri bageruanna suku Manasye, sollanna a'jari butta pisakana ke'nanga.”

YOSUA 14:1

Iaminne carita ri passala'na antekamma batena nibage-bage pa'rasangang Kanaan niaka ri laukanna Binanga Yordan mae ri umma' Israel. Ambage-bageai anjo buttaya mae ri umma' Israel iamintu Imang Eleazar, Yosua ana'na Nun, siagang kapala-kapala kaluarga niaka lalang ri suku-suku bansa Israel.

YOSUA 14:2

Kamma le'baka Naparentakang Batara mae ri Musa, anjo daera-daera ilaukanna Binanga Yordan nitantukanga untu' salapang assititangnga suku bansa Israel, musti nibage-bagei, iamintu niloterei carana.

YOSUA 14:3

Butta niaka irayanganna Binanga Yordan le'ba'mi napassareang Musa mae ri rua assitangnga suku maraenga ri bansa Israel. (Parallui niasseng angkanaya jari-jarina Yusuf ta'bage ruai suku: iamintu suku Manasye siagang suku Efraim.) Ri passala'na suku Lewi, tena butta nisareangi ri Musa. Poro kota-kota pammantangnganji nisareangi ke'nanga siagang parang-parang untu' olo'-olo' sapina siagang gimbala'na ke'nanga.