YEHEZKIEL 42:20 - KITTA' MATANGKASA'

²⁰ Jari, tampa' antamaya ri daerana Balla'Na Batara, iamintu appa' pasagi, 250 metere' ri tunggala' sa'rinna. Anjo tampaka nikulilingi ri se'reang tembo' untu' ansimbangi daera nisa'laka untu' Batara battu ri daerana tau jaia.

YEHEZKIEL 42:20 ပူးပေါင်းရင်းမြစ်များ

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

YEHEZKIEL 40:5

Nampa kucini' Balla'Na Batara nikulilingi ri tembo'. Appakkaramulami anjo tu bura'nea angngukkuruki anjo temboka siagang kayu pa'baku' tallua metere' la'buna. A'nassami angkanaya anjo temboka tinggina tallu metere' siagang kapala'na tallu todong metere'.

YEHEZKIEL 43:12

Iaminne sipa' kalenna Balla'Na Batara: Sikontu tampaka ri tammulilina ri coppo'na buluka sanna' matangkasa'na.”

YEHEZKIEL 44:23

Sikamma imanga musti naajaraki ummakKu untu' angngassengi angkanaya kereanga nisa'la' untu' iNakke siagang kereanga tena, kereanga matangkasa' situru' agamaya siagang kereanga ra'masa'.

YEHEZKIEL 45:2

Untu' Balla'Na Batara, nipasadiai sipa'gang anjo tampaka, iamintu appa' pasagi, sa'rinna massing-massing 250 metere', siagang nikulilingi ri parang 25 metere' sangkara'na siagang anjoremmi musti nipaenteng Balla'Na Batara.

YEHEZKIEL 48:15

Bageang timboro'na anjo butta nisa'laka, nia' ija tassesa 12,5 kilometere' la'buna, siagang 2,5 kilometere' sangkara'na. Anjo bageanga tena natangkasa' siagang akkullei napake ra'yaka untu' tampa' pammantangngang siagang untu' parang ruku'; ri bageang tangngana musti nibangungi se're kota.

YEHEZKIEL 48:20

Jari, sikontu anjo daeraya, kammayatompa butta nisa'laka siagang butta untu' kotaya, modele'na iamintu appa' pasagi, 12,5 kilometere' massing sa'rinna.

KAIMANGNGANG 10:10

Musti akkullei nubatei angkanaya kereanga nisa'la' untu' Allata'ala siagang kereanga tena nisa'laki, kereanga ra'masa' siagang kereanga tena nara'masa'.

MIKHA 7:11

He Yerusalem! Narapi'mi wattunna nubangung ammotere' tembo'-tembo'na kotanu. Anjo alloa lanipakaluaraki daeranu.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

LUKAS 16:26

Nampa kamma-kamma anne nasimbang maki' se're kali'bong sannaka lantanna, sollanna takkullea tau niaka anrinni a'limbang mange antureng, kammayatompa tau niaka antureng takkulleai a'limbang mae anrinni!’

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.