YEHEZKIEL 40:6 - KITTA' MATANGKASA'

⁶ Nampa a'lampa mange ri pakke'bu' lompo a'dalle' anraika. Angngambiki nai' ri tukaka, nampa ri wattunna battu nai', naukkuru'mi sangkara' bageang ratena anjo pakke'buka, nania' tallu metere' sangkara'na.

YEHEZKIEL 40:6 ပူးပေါင်းရင်းမြစ်များ

1 PATTOTTORANG 9:18

Sa'genna anne alloa battu ri bija-bijannami anne ke'nanga nisare tugasa' anjagai Pakke'bu' Lompona Karaenga ri bageang rayaya. Riolo bija-bijanna ke'nanga nisarei tugasa' anjagai sikamma pakke'bu' lompo mangea ri pa'ballakkanna tu Lewi.

1 PATTOTTORANG 9:24

Nia' appa' pakke'bu', iamintu: se're warakkang, se're timborang, se're rayangngang, siagang se're laukang. Ri massing-massing pakke'bu' nitampakkammi sitau tu Lewi a'jari kapala pajaga.

PAMMUJI 84:10

Kibarakkaki karaenna ikambe, o, Allata'ala, Kijagai laloi tau le'baka Kipile.

YEREMIA 19:2

untu' a'lampa siagang ke'nanga mange ri Ka'bung Lappara' Hinom allalo ri Pakke'bu' Lompo Beling. Anjoreng musti kupa'la'bangi kupabattu apa Napappasangnganga ri nakke.

YEHEZKIEL 10:18

Nampa caya accillaka, iamintu pammatei kahaderanNa Batara, nabokoi pakke'bu' antamaka ri Balla'Na Batara siagang a'letteki nai' ri anjo malaeka'-malaeka' akka'nyika.

YEHEZKIEL 11:1

Nampa niangkaka' ri RohNa Allata'ala siagang nieranga' mange ri pakke'bu' lompo bageang rayana Balla'Na Batara. Anjoreng kucini' nia' 25 tau, kammayami nia' rua pamimping bansa, iamintu Yaazanya ana'na Azur siagang Pelaca ana'na Benaya.

YEHEZKIEL 40:20

Nampa anjo tu bura'nea naukkuruki pakke'bu' lompo bageang waraka, a'lampa mangea ri paranglakkeng bageang lalanga.

YEHEZKIEL 40:22

Kammayatompa kamara' lompona, jandela-jandelana, siagang ukirang-ukirang poko' kayu palemna sangkamma kabusuki siagang niaka ri pakke'bu' lompo bageang irayaya. Nia' tuju lonjo'na tuka' mangea ri anjo pakke'bu' lompoa, siagang ri cappa'na nia' kamara' lompo a'dalle' mangea ri paranglakkeng bageang pantaranna Balla'Na Batara.

YEHEZKIEL 40:24

Nampa, anjo tu bura'nea naeranga' mange ri pakke'bu' lompo bageang timboro' nampa naukkuru'. A'nassami angkanaya anjo pakke'bu' lompoa sangkammai ukkuranna siagang pakke'bu' lompo maraenga.

YEHEZKIEL 40:26

Tuju lonjo'na tuka' mangea ri anjo pakke'bu' lompoa, siagang kamara' lompona nia' todong cappa'na, a'dalle' mange ri paranglakkeng bageang pantaranna Balla'Na Batara. Tembo'-tembo' bageang lalang a'dalle' mangea ri loronga, nibelo-beloi siagang ukirang-ukirang poko' palem.

YEHEZKIEL 40:5

Nampa kucini' Balla'Na Batara nikulilingi ri tembo'. Appakkaramulami anjo tu bura'nea angngukkuruki anjo temboka siagang kayu pa'baku' tallua metere' la'buna. A'nassami angkanaya anjo temboka tinggina tallu metere' siagang kapala'na tallu todong metere'.

YEHEZKIEL 40:7

Ri bokona anjo pakke'bu' lompoa nia' se're lorong, na ri massing-massing sa'rinna para nia' tallu kamara' jaga. Sangkamma kabusuki lompona anjo kamaraka; tanja'na appaki pasagi, na la'buna massing sa'rinna iamintu tallu metere'. Sikamma tembo' passimbanna kamaraka sangkammai kapala'na, iamintu rua sitangnga metere'. Anjo loronga a'la'buiji tallu metere', angngolo mange ri kamara' lompo a'dalle' mangea ri Balla'Na Batara. Naukkuru'mi anjo tu bura'nea anjo kamara' lompoa, nampa a'nassamo angkanaya appa' metere' sangkara'na; tampa'na anjo kamaraka iamintu ri cappa'na pakke'bu' lompoa, bageang lalang, iamintu kaminang a'reppeseka ri Balla'Na Batara. Tembo'-tembo'na a'dalle' mangea ri Balla'Na Batara, kapala'na se're metere'.

YEHEZKIEL 41:16

nibelo-beloi siagang les kayu, battu ri daparaka sa'genna jandela-jandelana. Anjo jandela-jandelaya akkullei nitongko' siagang kaeng jandela.

YEHEZKIEL 42:15

Le'baki anjo tu bura'nea naukkuru' bangunanna Balla'Na Batara bageang lalanga, naeramma' assulu' allalo ri pakke'bu' lompo bageang iraya, nampa naukkuru' bageang tammulilina Balla'Na Batara.

YEHEZKIEL 43:1

Nampa naeranga' anjo tu bura'nea mange ri pakke'bu' lompo a'dalle' anraika,

YEHEZKIEL 43:17

Bageang tangngana appa' tongi pasagi modele'na, tunggala' sa'rinna 7 metere' ukkuranna, siagang se're biring bageang pantara'na tinggina siparapa' metere'. (Sangkara'na kaloro'na sitangnga metere'.) Ri sa'ri bageang irayana nia' tuka' a'lampa mangea ri coppo'na tampa' pakkoro'bangnganga.

YEHEZKIEL 43:8

Riolo sikamma karaenna ke'nanga appareki balo'-balo' pakke'bu' siagang benteng-benteng pakke'bu' balla' karaenna ke'nanga ri sa'rinna balo'-balo' pakke'bu'na siagang benteng-benteng pakke'bu' BallakKu, sa'genna se'reji bawang rinring ri alla'na. Nara'massimi areng matangkasakKu ke'nanga, lanri nagaukanna panggaukang appakaringi'-ringika. Lanri kammana anjo naKupanrakimo ke'nanga lalang pangngalarroingKu.

YEHEZKIEL 44:1

Nampa anjo tu bura'nea narurunganga' pole mange ri pakke'bu' lompo ri bageang irayangnganga ri pammantanganna Balla'Na Batara. Anjo pakke'bu' lompoa tattongkoki.

YEHEZKIEL 46:12

Punna ero' patugasa' pamarentaya angngerang passare ri ero' kalenna mae ri Batara, baji' a'rupa koro'bang nitunu kammayatompa koro'bang passiamakkang, musti nisungkeangi pakke'bu' lompo bageang iraya a'lampa mangea ri paranglakkeng bageang lalang. Carana ampassareangi anjo koro'banga musti sangkammai cara nagaukanga ri allo Pammari-marianga, mingka punna ammotere'mi musti nitongkoki linta' anjo pakke'bu' lompoa.”

YEHEZKIEL 47:1

Naeranga' anjo tu bura'nea ammotere' mange ri pakke'bu' antamaya ri Balla'Na Batara. Nia' kucini' je'ne' a'lo'loro' battu rawanganna anjo pakke'buka a'lampa anrai', sangkamma Balla'Na Batara a'dalle' anrai' tongi. Anjo je'neka a'lo'loroki battu ri rawanganna pakke'bu' lompona Balla'Na Batara bageang timboro', allalo ri sa'ri timboranna tampa' pakkoro'bangnganga.

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.