YEHEZKIEL 40:44 - KITTA' MATANGKASA'

⁴⁴ Nampa anjo tu bura'nea naeranga' mange ri paranglakkeng bageang lalanga. Anjoreng nia' rua sangkamma los; ia se'rea ri sa'rinnai pakke'bu' lompo bageang waraka, siagang a'dalle' timboroki, nampa se'reanga pole ri sa'rinnai pakke'bu' bageang timboroka siagang a'dalle' waraki.

YEHEZKIEL 40:44 ပူးပေါင်းရင်းမြစ်များ

YEHEZKIEL 40:17

Nampa naeranga' anjo tu bura'nea allalo ri pakke'bu' lompoa mange ri paranglakkeng bageang pantaranna Balla'Na Batara. Ri sa'ri tembo' bageang pantaranna ri tammulilina anjo Balla'Na Batara nia' nibangung kamara' 30 jaina. Ri dallekanna anjo sikamma kamaraka nia' dapara' batu,

YEHEZKIEL 40:23

Assidallekanga siagang pakke'bu' lompo bageang waraka, nia' pakke'bu' lompo maraeng, iamintu a'lampa mangea ri paranglakkeng bageang lalang, sangkamma niaka ri pakke'bu' lompo bageang iraya. Anjo taua naukkuruki bellana anjo ruaya pakke'bu' lompo, iamintu: 50 metere' bellana.

YEHEZKIEL 40:27

Anjoreng nia' todong pakke'bu' lompo a'lampa mange ri paranglakkeng bageang lalang. Anjo tu bura'nea naukkuruki siapa sikabellaina anjo ruaya pakke'bu' lompo, iamintu: 50 metere'.

YEHEZKIEL 40:29

Sikamma kamara' jagana, kamara' lompona, siagang tembo'-tembo' bageang lalanna sangkammai siagang niaka ri sikamma pakke'bu' lompo maraenga. Sikamma kamaraka anrinni nia' todong jandela-jandelana. Lorong-lorong lompona 25 metere' la'buna siagang sangkara'na 12,5 metere'.

YEHEZKIEL 40:38

Ri paranglakkeng bageang pantarang nia' se're kamara' pannambai ri pakke'bu' lompo bageang lalang ri bageang wara'. Battu ri anjo kamara' pannambaia nia' se're pakke'bu' a'lampa mange ri kamara' lompoa. Anjoremmi nibissai sikamma olo'-olo' eroka nipassareang a'jari koro'bang nitunu.

YEHEZKIEL 40:43

Birinna anjo sikamma mejanga nisarei biring iamintu 75 milimetere' la'ba'na. Sikontu dageng lanikoro'bangkanga nipadongkoki irate ri sikamma anjo mejanga.

YEHEZKIEL 40:7

Ri bokona anjo pakke'bu' lompoa nia' se're lorong, na ri massing-massing sa'rinna para nia' tallu kamara' jaga. Sangkamma kabusuki lompona anjo kamaraka; tanja'na appaki pasagi, na la'buna massing sa'rinna iamintu tallu metere'. Sikamma tembo' passimbanna kamaraka sangkammai kapala'na, iamintu rua sitangnga metere'. Anjo loronga a'la'buiji tallu metere', angngolo mange ri kamara' lompo a'dalle' mangea ri Balla'Na Batara. Naukkuru'mi anjo tu bura'nea anjo kamara' lompoa, nampa a'nassamo angkanaya appa' metere' sangkara'na; tampa'na anjo kamaraka iamintu ri cappa'na pakke'bu' lompoa, bageang lalang, iamintu kaminang a'reppeseka ri Balla'Na Batara. Tembo'-tembo'na a'dalle' mangea ri Balla'Na Batara, kapala'na se're metere'.

EFESUS 5:19

Pakei kana-kana mappakala'birika, kelong pammuji-mujia siagang lagu-lagu rohania lalang ri kana-kanannu. Paralluko rannu pa'mai' akkelong mammuji-muji mae ri Batara makoasaya.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.