YEHEZKIEL 40:4 - KITTA' MATANGKASA'

⁴ Nakana anjo tau bura'nea ri nakke, “He tau, pilangngeri baji'-baji' siagang parhatikangi sikontu apa kupappicinikanga mae ri kau, nasaba' lanri kammanami anjo nanierangko mae anrinni. Pauangi bansa Israel sikontu anjo apa nucinika.”

YEHEZKIEL 40:4 ပူးပေါင်းရင်းမြစ်များ

YESAYA 21:10

He bansaku Israel! Le'ba' mako nilissarrang siagang nionjo'-onjokang rapang lisere'-lisere' gandung. Kamma-kamma anne kupabattuangko kabara' baji', ia kulangngereka battu ri Batara Kaminang Makoasaya, Allata'alana Israel.

YEREMIA 26:2

Nakanamo Batara ri nakke, “A'lampako mange ammenteng ri paranglakkeng luara'na BallakKu nampa a'bicara mako mae ri pandudu'na Yehuda battua anynyomba anjoreng. Pabattui mae ri ke'nanga sikontu apa Kuparentakanga mae ri kau untu' nupabattu mae ri ke'nanga. Teako kurangngi manna sike'de'.

YEHEZKIEL 2:1

“He tau, ammentengko. ErokKa' a'bicara siagang ikau.”

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEHEZKIEL 3:17

“He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pappakainga' Kupassareanga.

YEHEZKIEL 43:10

Nampa Nakanamo pole Batara, “He tau, pauangi umma' Israel ri passala'na anne BallakKu, siagang suroi ke'nanga amparessai rancanana. Pakasiriki ke'nanga lanri sikontu dosana ke'nanga.

YEHEZKIEL 44:5

siagang Nakanamo Batara ri nakke, “He tau, parhatikangi baji'-baji' apa nucinika siagang nulangngereka. LaKupauangko sikamma paratoranna siagang hukkunna ri passala'na anne BallakKu. Cataki baji'-baji' inai-nai nipa'biang antama ri BallakKu siagang inai-nai takkullea.

YEHEZKIEL 47:6

Nampa nakana anjo taua ri nakke, “He tau, parhatikang ngasengi anne baji'-baji'.” Nampa naeranga' ammotere' antulakkangi binangaya,

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

MATIUS 13:9

Le'ba'na Nacarita Isa anjo pangngebaranga, Nakanamo Isa ri ke'nanga, “Inai-nai nia' tolinna, pilangngerimi baji'-baji'!”

LAMPA-LAMPANA 20:27

Tena nakule'ba' ampilari tugasakku untu' ampakasingariangko sikontu apa eroka Nagaukang Allata'ala ri kau ngaseng.

1 KORINTUS 11:23

Nasaba' anjo kupangngajarranga mae ri kau, pangngajarang kutarima battu ri KalenNa Batara: angkanaya ri bangngi nipassareanna Isa, Batarata, angngallei roti;

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.