YEHEZKIEL 40:38 - KITTA' MATANGKASA'38 Ri paranglakkeng bageang pantarang nia' se're kamara' pannambai ri pakke'bu' lompo bageang lalang ri bageang wara'. Battu ri anjo kamara' pannambaia nia' se're pakke'bu' a'lampa mange ri kamara' lompoa. Anjoremmi nibissai sikamma olo'-olo' eroka nipassareang a'jari koro'bang nitunu. အခန်းကိုကြည့်ပါ။ |
Appare' tongi Karaeng Salomo 10 katoang lompo, lima untu' niboli' ri timboranna Balla'Na Batara, siagang lima untu' ri warakkanna. Ia matu-matunna anjo katoanga iamintu ambissai kere'-kere'na olo'-olo' eroka nitunu a'jari koro'bang. Je'ne' niaka ilalang ri anjo gumbang lompoa nipasadiakangi sikamma imanga untu' antangkasi kalenna.
Elyasib napassareangi mae ri Tobia se're kamara' lompo, ia sitojenna nipasadiaya poro untu' amboliki passare gandunga, kamanynyanga, sikamma pakkakasa' Balla'Na Batara, passare untu' imang-imanga, passare bage sampulona gandunga, anggoro', siagang minynya' zaitun, ia lanibage-bagea mae ri tu Lewi, sikamma pamusika siagang pajaga pakke'bu' lompona Balla'Na Batara ri Yerusalem.
Kuerangi ke'nanga mange ri Balla'Na Batara, antama' ri kamara'na ana'-ana' gurunna Na'bi Hanan ana'na Yigdalya. Anjo kamaraka tampa'na irateannai kamara'na Imang Maaseya ana'na Salum, ri ampi'na kamara'na pagawe-pagawe maraenga. Maaseya iami pagawe tinggi anjannangngi sikamma pakke'bu'na Balla'Na Batara.
Nampa nabaca Barukh battu ri kitta' nigulunga sikontu apa-apa le'baka kupau, nampa appilangngeri ngaseng taua. Anjo kittaka nibacai lalang ri Balla'Na Batara ri kantoro'na Gemarya, ana'na Safan, jurutulisi'na pamarentaya. Anjo kantoroka niaki ri bageang rateang parang lakkenga, rampi'na oloang antamaya ri Pakke'bu' Lompo Beruna Balla'Na Batara.
Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.