YEHEZKIEL 40:36 - KITTA' MATANGKASA'

³⁶ Kammayatompa sikamma kamara' jagana, tembo'-tembo' bageang lalanna siagang kamara' lompona, sangkammai siagang niaka ri sikamma pakke'bu' lompo maraenga. Ri sikamma kamara'na siagang ri kamara' lompona nia' jandela-jandela. La'buna loronna anjo pakke'bu' lompoa iamintu 25 metere' siagang sangkara'na 12,5 metere'.

YEHEZKIEL 40:36 ပူးပေါင်းရင်းမြစ်များ

1 KARAENG-KARAENG 7:4

Ri rinring kairina siagang ri kananna anjo kamaraka nia' jandela-jandela: tallung jijiri' ri rinring se'reanga assidallekang siagang tallung jijiri' ri rinring maraenganga. Lesna sikamma pakke'buka siagang jandelaya modele'na appa' pasagi la'buna.

YEHEZKIEL 40:16

Ri tembo' ri bokoanga siagang tembo'-tembo' passimbang anjo kamara'-kamaraka nia' jandela-jandela ca'di. Tembo'-tembo' bageang lalang andallekanga mange ri loronga, nibelo-beloi siagang ukirang-ukirang poko' palem.

YEHEZKIEL 40:21

Ri anjo pakke'bu' lompoa, niaka tallu kamara' jaga ri massing sa'ri loronna, tembo'-tembo' passimbanna, kammayatompa kamara' lompona, sangkamma kabusuki ukkuranna siagang niaka ri pakke'bu' lompo niaka bageang iraya. Sikontu lorong-loronna anjo pakke'bu' lompoa la'buna 25 metere' siagang sangkara'na' 12.5 metere'.

YEHEZKIEL 40:29

Sikamma kamara' jagana, kamara' lompona, siagang tembo'-tembo' bageang lalanna sangkammai siagang niaka ri sikamma pakke'bu' lompo maraenga. Sikamma kamaraka anrinni nia' todong jandela-jandelana. Lorong-lorong lompona 25 metere' la'buna siagang sangkara'na 12,5 metere'.

YEHEZKIEL 40:7

Ri bokona anjo pakke'bu' lompoa nia' se're lorong, na ri massing-massing sa'rinna para nia' tallu kamara' jaga. Sangkamma kabusuki lompona anjo kamaraka; tanja'na appaki pasagi, na la'buna massing sa'rinna iamintu tallu metere'. Sikamma tembo' passimbanna kamaraka sangkammai kapala'na, iamintu rua sitangnga metere'. Anjo loronga a'la'buiji tallu metere', angngolo mange ri kamara' lompo a'dalle' mangea ri Balla'Na Batara. Naukkuru'mi anjo tu bura'nea anjo kamara' lompoa, nampa a'nassamo angkanaya appa' metere' sangkara'na; tampa'na anjo kamaraka iamintu ri cappa'na pakke'bu' lompoa, bageang lalang, iamintu kaminang a'reppeseka ri Balla'Na Batara. Tembo'-tembo'na a'dalle' mangea ri Balla'Na Batara, kapala'na se're metere'.