YEHEZKIEL 40:27 - KITTA' MATANGKASA'

²⁷ Anjoreng nia' todong pakke'bu' lompo a'lampa mange ri paranglakkeng bageang lalang. Anjo tu bura'nea naukkuruki siapa sikabellaina anjo ruaya pakke'bu' lompo, iamintu: 50 metere'.

YEHEZKIEL 40:27 ပူးပေါင်းရင်းမြစ်များ

YEHEZKIEL 40:19

Anjoreng nia' pakke'bu' lompo maraeng, tinggiangnganga pammantanganna siagang a'lampa mangea ri paranglakkeng bageang lalanga. Naukkuru' tongi anjo tu bura'nea bellana battu ri anjo ruaya pakke'bu' lompo, iamintu 50 metere'.

YEHEZKIEL 40:23

Assidallekanga siagang pakke'bu' lompo bageang waraka, nia' pakke'bu' lompo maraeng, iamintu a'lampa mangea ri paranglakkeng bageang lalang, sangkamma niaka ri pakke'bu' lompo bageang iraya. Anjo taua naukkuruki bellana anjo ruaya pakke'bu' lompo, iamintu: 50 metere' bellana.

YEHEZKIEL 40:32

Le'baki anjo naeramma' anjo tu bura'nea allalo ri pakke'bu' lompo bageang rayaya antama' ri paranglakkeng bageang lalang. Naukkuruki anjo pakke'bu' lompoa, nampa ukkuranna sangkammai siagang sikamma pakke'bu' lompo maraenga.

YEHEZKIEL 40:35

Kala'busanna anjo tu bura'nea naeranga' mange ri pakke'bu' lompo bageang wara'. Naukkuruki anjo pakke'bu' lompoa, na ukkuranna sangkammai siagang sikamma pakke'bu' lompo maraenga.

YEHEZKIEL 40:44

Nampa anjo tu bura'nea naeranga' mange ri paranglakkeng bageang lalanga. Anjoreng nia' rua sangkamma los; ia se'rea ri sa'rinnai pakke'bu' lompo bageang waraka, siagang a'dalle' timboroki, nampa se'reanga pole ri sa'rinnai pakke'bu' bageang timboroka siagang a'dalle' waraki.

YEHEZKIEL 40:47

Anjo tu bura'nea naukkuruki paranglakkeng bageang lalanga. Tanja'na iamintu appa' pasagi: la'buna siagang sangkara'na massing 50 metere'. Anjo Balla'Na Batara niaki ri bageang ilau', na ri dallekanna nia' tampa' pakkoro'bangngang.