YEHEZKIEL 40:2 - KITTA' MATANGKASA'

² Lalang se're paccini', Naeranga' kucini' Allata'ala mange ri butta Israel nampa nabolikka' ri moncong tinggia. Ri dallekangku nia' kucini' sipa'gompoang bangunang santanjaka se're kota.

YEHEZKIEL 40:2 ပူးပေါင်းရင်းမြစ်များ

1 PATTOTTORANG 28:12

Napassareang tommi Daud sikontu rancana le'baka napikkiri' untu' bageang-bageang bokona anjo ballaka siagang sikamma kamara' niaka angkulilingi, kammayatompa gudang-gudang tampa' pammolikang sikamma pakkakasa' Balla'Na Batara siagang sikamma passare eroka nipassareang untu' Batara.

1 PATTOTTORANG 28:19

Nampa nakana Karaeng Daud, “Yangasenna anjo niaki taccata' lalang ri rancana nitulisika situru' pitunju' Napassareanga KalenNa Batara mae ri nakke untu' nigaukang.”

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

YESAYA 14:13

Appattujuangko nai' ri langika siagang nupadongko' empoang kala'birannu irate ri bintoeng kaminang tinggia! Nupikkiriki angkana akkulleko ammempo salaku karaeng irate ri moncong bageang wara', tampa'na sikamma rewataya a'rappungang.

YESAYA 48:2

Mingka manna nakamma, lompoi pa'mai'nu ammangakui angkana ikau pandudu'nako kota matangkasaka; angkanaya ikau tanjengko mae ri Allata'alana Israel niarenga Batara Kaminang Makoasaya.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

YEHEZKIEL 37:22

LaKupa'jari se'rei ke'nanga bansa anjoreng pa'rasanganga, ri daera monconna Israel. Laniparentai ke'nanga ri se're karaeng, siagang tenamo nalata'bage pole ke'nanga a'jari rua bansa yareka kakaraengang.

YEHEZKIEL 41:1

Anjo tu bura'nea naeranga' antama ri kamara' tangngaya, iamintu niarenga Tampa' Matangkasaka. Naukkuruki lorong a'lampa mangea anjoreng: la'buna 3 metere',

YEHEZKIEL 43:12

Iaminne sipa' kalenna Balla'Na Batara: Sikontu tampaka ri tammulilina ri coppo'na buluka sanna' matangkasa'na.”

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.

MIKHA 4:1

Ri allo-allo labattua bonto, tampa' Balla'Na Batara, lammenteng kassaki nai' ri langika la'biangngangi nasikamma monconga siagang bonto-bontoa. Sikontu bansaya a'balulungi mange anjoreng

LAMPA-LAMPANA 16:9

Ri wattunna bangngi ri Troas, nabattuimi Paulus pappiso'na. Lalang pappiso'nana, nia' nacini' se're tau battu ri daera Makedonia ammenteng ri dallekanna. Napala' dudumi anjo taua sollanna a'lampa Paulus mange ri Makedonia antulungi ke'nanga.

LAMPA-LAMPANA 2:17

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

GALATIA 4:26

Mingka anjo Yerusalem, niaka ri suruga iamintu Yerusalem bebasaka, siagang iami anronta ikatte.