YEHEZKIEL 40:17 - KITTA' MATANGKASA'

¹⁷ Nampa naeranga' anjo tu bura'nea allalo ri pakke'bu' lompoa mange ri paranglakkeng bageang pantaranna Balla'Na Batara. Ri sa'ri tembo' bageang pantaranna ri tammulilina anjo Balla'Na Batara nia' nibangung kamara' 30 jaina. Ri dallekanna anjo sikamma kamaraka nia' dapara' batu,

YEHEZKIEL 40:17 ပူးပေါင်းရင်းမြစ်များ

1 KARAENG-KARAENG 6:5

Ri tammulili bageang ri bokona anjo ballaka, ri tembo' bageang pantara'na nibangungi kamara'-kamara' a'lonjoka. Nia' tallung lonjo', massing-massing tinggina 2,2 metere'.

2 KARAENG-KARAENG 23:11

Sikontu jarang nisa'laka untu' karaeng-karaeng Yehuda untu' nipanynyombang mae ri mataalloa, nipela' kabusuki, siagang sikontu kareta-kareta le'baka nipake lalang ri anjo panynyombanga nitunu kabusuki. (Anjo kareta-karetaya niaki lalang ri parang lakkenna Balla'Na Batara, ri ampi'na pakke'bu' lompoa, tena nabella battu ri kamara'-kamara' pammantanganna Natan Melekh, iamintu sitau pagawe tinggi.)

1 PATTOTTORANG 23:28

Musti nabantui imang-imang turunganna Harun lalang anggaukangi pa'gaukang sambayanga lalang ri Balla'Na Batara, amparakai parang lakkenna siagang sikamma kamaraka lalang ri anjo Balla'Na Batara, siagang sollanna yangasenna apa-apa le'bakamo nipa'jari tangkasa' untu' Batara tena na'jari ra'masa'.

1 PATTOTTORANG 9:26

Mingka anjo appaka kapala pajaga tuli tugasa'na. Iami ke'nanga tanggong jawa' untu' sikamma kamara'na Balla'Na Batara siagang sikamma barang-barang nibolika lalang.

2 PATTOTTORANG 31:11

Lanri parentana karaenga, appasadiami ke'nanga gudang-gudang ri sa'ri Balla'Na Batara,

KALAPPASSANG 27:9

“Apparekko paranglakkeng ri tammulilina anjo KemaKu ia nisimbanga siagang layara' battu ri kaeng lenang alusu'. Ri bageang timboro', anjo layaraka la'buna 44 metere',

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

YEHEZKIEL 40:18

angkulilingi sikontu anjo paranglakkenga. Paranglakkeng bageang pantaranga la'bi rawangangngangi na paranglakkeng bageang lalanga.

YEHEZKIEL 40:38

Ri paranglakkeng bageang pantarang nia' se're kamara' pannambai ri pakke'bu' lompo bageang lalang ri bageang wara'. Battu ri anjo kamara' pannambaia nia' se're pakke'bu' a'lampa mange ri kamara' lompoa. Anjoremmi nibissai sikamma olo'-olo' eroka nipassareang a'jari koro'bang nitunu.

YEHEZKIEL 40:44

Nampa anjo tu bura'nea naeranga' mange ri paranglakkeng bageang lalanga. Anjoreng nia' rua sangkamma los; ia se'rea ri sa'rinnai pakke'bu' lompo bageang waraka, siagang a'dalle' timboroki, nampa se'reanga pole ri sa'rinnai pakke'bu' bageang timboroka siagang a'dalle' waraki.

YEHEZKIEL 40:45

Nakana anjo tu bura'nea ri nakke angkanaya anjo los a'dalle' timboroka nipasadiakangi sikamma imang tugasaka ri Balla'Na Batara,

YEHEZKIEL 40:46

nampa los a'dalle' waraka nipasadiakangi sikamma imang tugasaka ri tampa' pakkoro'bangnganga. Sikontu anjo imanga musti tau battu ri jari-jarina Zadok. Nasaba' battu ri suku Lewi poro jari-jarinaji bawang Zadok akkulle andallekang ri Batara untu' allayani ri Ia lalang ri wattu ibadana taua.

YEHEZKIEL 41:6

Anjo kamara'-kamaraka attingka' tallui, siagang tunggala' tingkaka nia' 30 kamara'na. Tembo' bageang pantaranna anjo tunggala' tingkaka massing nipisangngangi na tembo' lonjo' rawangnganga, sa'genna anjo sikamma kamaraka akkullei nisusung mingka tenaja niso'boloki anjo tembo' Balla'Na Batara.

YEHEZKIEL 42:1

Nampa naeranga' anjo tu bura'nea mange ri paranglakkeng bageang pantarang na narurunganga' mange ri bangunang maraeng ri bageang wara'na Balla'Na Batara, tena nabella battu ri bangunang lompoa ri bageang ilau'na anjo Balla'Na Batara.

YEHEZKIEL 42:3

Se're sa'rinna anjo bangunanga a'dalle' mangei ri baruga sampuloa metere' sangkara'na, nampa sa'ri maraenna a'dalle' mangei ri dapara' batu ri paranglakkeng bageang pantaraka. Anjo bangunanga attingka' tallui: tunggala' tingkaka antamakkangi sike'de' na tingka' bageang irawanganna.

YEHEZKIEL 42:4

Ri dallekanna anjo sikamma kamaraka, ilalanganna nia' lorong 5 metere' sangkara'na na 50 metere' la'buna. Sikamma pakke'bu'na a'dalle' waraki.

YEHEZKIEL 44:1

Nampa anjo tu bura'nea narurunganga' pole mange ri pakke'bu' lompo ri bageang irayangnganga ri pammantanganna Balla'Na Batara. Anjo pakke'bu' lompoa tattongkoki.

YEHEZKIEL 45:5

Sipa'gang pole battu ri anjo tampaka iamintu 12,5 kilometere' la'buna siagang 5 kilometere' sangkara'na musti nipasadiai untu' tu Lewi anjamaya lalang ri Balla'Na Batara. Anjorengi lanibangung kota-kota akkullea napammantangngi ke'nanga.

YEHEZKIEL 46:21

Nampa naeranga' mange ri paranglakkeng bageang pantaraka, siagang napicinikiang ngasenga' angkanaya ri appaka panyingkulu'na massing nia' paranglakkeng la'bi ca'diangngang, la'buna 20 metere' siagang sangkara'na 15 metere'.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.