YEHEZKIEL 40:16 - KITTA' MATANGKASA'

¹⁶ Ri tembo' ri bokoanga siagang tembo'-tembo' passimbang anjo kamara'-kamaraka nia' jandela-jandela ca'di. Tembo'-tembo' bageang lalang andallekanga mange ri loronga, nibelo-beloi siagang ukirang-ukirang poko' palem.

YEHEZKIEL 40:16 ပူးပေါင်းရင်းမြစ်များ

1 KARAENG-KARAENG 6:29

Sikontu bageang lalanna anjo Balla'Na Batara nibelo-beloi siagang ukirang gambara' malaeka' akka'nyi' siagang poko'-poko' palem, siagang bunga-bunga ta'bakkaraka.

1 KARAENG-KARAENG 6:32

Anjo ruaya pakke'bu' nibelo-beloi siagang ukirang malaeka' akka'nyi', poko'-poko' palem, siagang bunga-bunga ta'bakkara'. Papang pakke'bu', patung malaeka' akka'nyi' siagang ukirang poko'-poko' palem, yangasenna nilapisi siagang bulaeng.

1 KARAENG-KARAENG 6:35

Papang-papanna anjo pakke'buka nibelo-beloi ukirang malaeka' akka'nyi', poko'-poko' palem, siagang bunga ta'bakkara'. Yangasenna anjo ukiranga nilapisi siagang bulaeng.

1 KARAENG-KARAENG 6:4

Ri tembo'na anjo ballaka nia' so'bolo'-so'bolo' jandela luara' bageang antamakkanga.

1 KARAENG-KARAENG 7:4

Ri rinring kairina siagang ri kananna anjo kamaraka nia' jandela-jandela: tallung jijiri' ri rinring se'reanga assidallekang siagang tallung jijiri' ri rinring maraenganga. Lesna sikamma pakke'buka siagang jandelaya modele'na appa' pasagi la'buna.

2 PATTOTTORANG 3:5

Kamara' makase'rea nisarei papang kayu camara kaminang bajika siagang nilapisi' bulaeng toa. Ri anjo lapisang bulaenga nia' ukirang gambara' poko' palem siagang gambara' rante.

PAMMUJI 92:12

Kuciniki nibetana musu-musungku, sikamma tau ammentenga untu' ambalianga', kulangngere'mi rancana-rancana ja'dala'na ke'nanga.

YEHEZKIEL 40:12

Ri dallekanna kamara'-kamara' jaga anjo ukkurang tallua metere' pasagi, nia' tembo' bodo tinggina sitangnga metere', siagang kapala'na sitangnga metere' todong.

YEHEZKIEL 40:15

Bellana battu ri pakke'bu' lompo bageang pantaraka sa'genna mange ri tembo' kamara' lompo ri bageang andallekanga mange ri Balla'Na Batara iamintu 25 metere'.

YEHEZKIEL 40:25

Sikamma jandelaya ri kamara'-kamaraka sangkammai siagang niaka ri pakke'bu' lompo maraenga. La'buna anjo loronga lompoa 25 metere' siagang sangkara'na 12,5 metere'.

YEHEZKIEL 40:26

Tuju lonjo'na tuka' mangea ri anjo pakke'bu' lompoa, siagang kamara' lompona nia' todong cappa'na, a'dalle' mange ri paranglakkeng bageang pantaranna Balla'Na Batara. Tembo'-tembo' bageang lalang a'dalle' mangea ri loronga, nibelo-beloi siagang ukirang-ukirang poko' palem.

YEHEZKIEL 40:29

Sikamma kamara' jagana, kamara' lompona, siagang tembo'-tembo' bageang lalanna sangkammai siagang niaka ri sikamma pakke'bu' lompo maraenga. Sikamma kamaraka anrinni nia' todong jandela-jandelana. Lorong-lorong lompona 25 metere' la'buna siagang sangkara'na 12,5 metere'.

YEHEZKIEL 40:31

Mingka kamara' lompona a'dalle' mangei ri paranglakkeng bageang pantaraka. Tembo'-tembo' bageang lalang a'dalle' mangea ri loronga, nibelo-belo tongi siagang ukirang-ukirang poko' palem. Sagantuju baringang tuka'na a'lampa mangei ri anjo pakke'bu' lompoa.

YEHEZKIEL 40:33

Sikamma kamara' jagana, tembo'-tembo' bageang lalanna, siagang kamara' lompona, sangkammai ukkuranna siagang sikamma pakke'bu' lompo maraenganga. Ri sikamma anjo kamaraka siagang ri kamara' lompona nia' jandela-jandela. La'buna anjo lorong lompoa 25 metere' siagang sangkara'na 12,5 metere'.

YEHEZKIEL 40:34

Kamara' lompona a'dalle' mangei ri paranglakkeng bageang pantaranga. Tembo'-tembo' bageang lalang a'dalle' mangea ri loronga, nibelo-beloi tongi siagang ukirang-ukirang poko' palem. Sagantuju baringang tuka'na a'lampa mangei ri anjo pakke'bu' lompoa.

YEHEZKIEL 40:36

Kammayatompa sikamma kamara' jagana, tembo'-tembo' bageang lalanna siagang kamara' lompona, sangkammai siagang niaka ri sikamma pakke'bu' lompo maraenga. Ri sikamma kamara'na siagang ri kamara' lompona nia' jandela-jandela. La'buna loronna anjo pakke'bu' lompoa iamintu 25 metere' siagang sangkara'na 12,5 metere'.

YEHEZKIEL 40:37

Kamara' ri dallekanna a'dalle' mange tongi ri paranglakkeng bageang pantaranga. Tembo'-tembo' bageang lalang a'dalle' mangea ri loronga, nibelo-beloi siagang ukirang-ukirang poko' palem. Sagantuju baringang tuka'na a'lampa mangei ri anjo pakke'bu' lompoa.

YEHEZKIEL 40:7

Ri bokona anjo pakke'bu' lompoa nia' se're lorong, na ri massing-massing sa'rinna para nia' tallu kamara' jaga. Sangkamma kabusuki lompona anjo kamaraka; tanja'na appaki pasagi, na la'buna massing sa'rinna iamintu tallu metere'. Sikamma tembo' passimbanna kamaraka sangkammai kapala'na, iamintu rua sitangnga metere'. Anjo loronga a'la'buiji tallu metere', angngolo mange ri kamara' lompo a'dalle' mangea ri Balla'Na Batara. Naukkuru'mi anjo tu bura'nea anjo kamara' lompoa, nampa a'nassamo angkanaya appa' metere' sangkara'na; tampa'na anjo kamaraka iamintu ri cappa'na pakke'bu' lompoa, bageang lalang, iamintu kaminang a'reppeseka ri Balla'Na Batara. Tembo'-tembo'na a'dalle' mangea ri Balla'Na Batara, kapala'na se're metere'.

YEHEZKIEL 41:18

poko' kayu palem siagang gambara' malaeka' akka'nyi', tasse'rei poko' kayu palem ri alla'na ta'ruaya gambara' malaeka' akka'nyi'. Anjo gambara' malaeka' akka'nyika ruai tanja'na,

YEHEZKIEL 41:25

Sikamma pakke'bu' Tampa' Matangkasaka nibelo-beloi siagang ukirang-ukirang poko' kayu palem siagang gambara' malaeka'-malaeka' akka'nyi', sangkamma rinringa. Ri dallekanna kamara' ri dallekanga iamintu ri bageang pantaranna, nia' tarali jandela battu ri kayu.

YEHEZKIEL 41:26

Ri rua-rua rinring sa'rinna nia' jandela-jandela, siagang rinrinna nibelo-beloi ukirang-ukirang poko' kayu palem.

YEHEZKIEL 41:3

Nampa antamaki ri kamara' bageang lalanga. Naukkuruki lorong a'lampa mangea anjoreng: la'buna 1 metere', sangkara'na 3 metere', siagang rinring ruaya sa'rinna 3,5 metere'.

YEHEZKIEL 42:3

Se're sa'rinna anjo bangunanga a'dalle' mangei ri baruga sampuloa metere' sangkara'na, nampa sa'ri maraenna a'dalle' mangei ri dapara' batu ri paranglakkeng bageang pantaraka. Anjo bangunanga attingka' tallui: tunggala' tingkaka antamakkangi sike'de' na tingka' bageang irawanganna.

YOHANES 5:2

Anjoreng ri Yerusalem, ri ampi'na tampa' niarenga “Pakke'bu' Gimbala',” nia' se're balang, niarenga Betsaida lalang bicara Ibranina. Anjoreng nia' lima paladang.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

PAPPICINI' 7:9

Le'baki anjo kucinikimi pole, na nia'mo kucini' tamparang tau, sannaka jaina tau bonena; tena manna sitau akkulle anrekengi jaina! Ia ke'nanga tau battu ri massing-massing bansa, suku, pa'rasangang, siagang bahasa. Ammenteng ngasengi anjo tau jaia andallekang mae ri empoang kala'biranga siagang andallekang mae ri anjo Ana' Gimbalaka; ammakeang juba kebo' ngasengi ke'nanga siagang massing anna'galaki leko'-leko' kaluku lolo.