YEHEZKIEL 40:14 - KITTA' MATANGKASA'

¹⁴ Naukkuru' tongi anjo kamara' lompoa: la'buna sampulo metere'. Pakke'bu'na anjo kamaraka a'la'bu mangei ri paranglakkeng bageang pantaranganna Balla'Na Batara.

YEHEZKIEL 40:14 ပူးပေါင်းရင်းမြစ်များ

1 PATTOTTORANG 28:6

Kammaminne kananNa Batara ri nakke, ‘Ana'nu Salomo lambangung balla' untu' iNakke. Iami le'ba' Kupile a'jari anakKu, na iNakke la'jari manggena.

PAMMUJI 100:4

Antama' mako battu ri pakke'bu' lompona siagang kelong sukkuru', antama' ri balla' luara'na siagang lagu pammuji-muji. Sukkurukko mae ri Ia siagang pujimi!

KALAPPASSANG 27:9

“Apparekko paranglakkeng ri tammulilina anjo KemaKu ia nisimbanga siagang layara' battu ri kaeng lenang alusu'. Ri bageang timboro', anjo layaraka la'buna 44 metere',

KALAPPASSANG 35:17

sikamma layara' untu' paranglakkenga, sikamma bentenga siagang pa'lapa'na, gordeng pakke'bu' lompona paranglakkenga,

YESAYA 62:9

Mingka ikau appasse'rea kattoang, lanukanrei wassele'na numammuji ri Batara; na nualle rappo anggoro'nu, lanuinung je'ne'na lalang ri parang lakkenna BallakKu.”

YEHEZKIEL 40:13

Nampa naukkuru' anjo tu bura'nea bellana temboka battu ri tembo' bageang bokoang se'rea mae ri bageang boko maraenga ri anjo kamara' jagaya, nania' 12.5 metere' la'buna.

YEHEZKIEL 40:15

Bellana battu ri pakke'bu' lompo bageang pantaraka sa'genna mange ri tembo' kamara' lompo ri bageang andallekanga mange ri Balla'Na Batara iamintu 25 metere'.

YEHEZKIEL 41:21

Sikamma benteng niaka ri Tampa' Matangkasaka, appasagi appa' kabusuki. Ri dallekanna Tampa' Kaminang Matangkasaka, nia' sangkamma nicini' tampa' pakkoro'bangngang nipareka battu ri kayu.

YEHEZKIEL 42:1

Nampa naeranga' anjo tu bura'nea mange ri paranglakkeng bageang pantarang na narurunganga' mange ri bangunang maraeng ri bageang wara'na Balla'Na Batara, tena nabella battu ri bangunang lompoa ri bageang ilau'na anjo Balla'Na Batara.

YEHEZKIEL 8:7

Nampa nieranga' mange ri pakke'bu' antamakkanga ri paranglakkeng bageang pantaranga siagang nipicinikiamma' se're so'bolo' ri temboka.

KAIMANGNGANG 6:16

La'binna anjo labuka musti nipareki roti tenaya nammake pa'gambang siagang nakanrei sikamma imanga ri tampa' le'baka nipattantu untu' anjo, iamintu ri paranglakkenna KemaNa Batara. Iaminjo bageanna sikamma imanga ia Napassareanga Batara mae ri ke'nanga battu ri koro'bang nipatalaya. Anjo kanrea teai sipato' tangkasa'na, sangkamma koro'bang nipammopporanna dosaya siagang koro'bang passambe karugiang.