YEHEZKIEL 4:16 - KITTA' MATANGKASA'

¹⁶ Nampa Nakana pole, “He tau, laKupanraki sikamma parsadiaang kanre-kanreanga ri Yerusalem. Lussaki siagang ranggaselai taua nanaukkuru'mo kanre nakanrea ke'nanga siagang je'ne' nainunga ke'nanga.

YEHEZKIEL 4:16 ပူးပေါင်းရင်းမြစ်များ

2 KARAENG-KARAENG 25:3

Ri wattu tanggala' 9 bulang 4 anjo todong taunga, iamintu ri wattu sanna' dudunamo bala kacipuranga sa'genna tena sikalimo lanakanre ra'yaka,

2 KARAENG-KARAENG 6:25

sa'genna naallemo cipuru' lompo tau lalanga ri anjo kotaya; manna se're ulu keledai niballimi 80 doe' pera', siagang ruaya ons tai bodobangkeng niballimi lima doe' pera'.

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YEREMIA 52:6

Ri tanggala' salapang bulang appa' ia todong anjo taunga, ri wattunna sanna' dudumo bala kacipuranga, sa'genna tena sikalimo lanakanre ra'yaka,

PIRAUNG 1:11

Ballasa'mi na makkunrareng pandudu'na amboyai tallasa'na; barang lompoa anggaranna napassambe siagang roti, sollanna akkulle attallasa' na tamatea. Akkio'mi Yerusalem angkana, “O Batara, ciniki atanTa, parhatikangi sikontu pa'risi' kukasiaka.”

PIRAUNG 5:4

Manna je'ne' inung siagang kayu tunuang musti naballi ngasemmi ikambe.

PIRAUNG 5:9

Pantaranna kotaya, jai pabuno tau a'jappai; tuli a'reppeseki bala kamateanga ri wattu a'boyana kanre ikambe.

YEHEZKIEL 14:13

punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

YEHEZKIEL 4:15

Jari Nakanamo Allata'ala, “Baji'mi. Salaku sambenna tai taua, akkulleko ammake tai sapi untu' antunui rotinu.”

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

AMOS 4:8

Ri siapa area kota pandudu'na lammami napakamma turere, a'boya je'ne' ri kota maraenga, mingka tanggannakkai je'neka anjoreng. Mingka manna nakamma, tena tongijapa nuero' ammotere' mae ri Nakke.

PAPPICINI' 6:5

Nampa Nareppe' anjo Ana' Gimbalaka segele' makatallua. Nakulangngere'mo olo'-olo' makatallua angkana, “Maeko!” Kucinikimi, nampa nia' kucini' sikayu jarang le'leng. Pabaena anna'galaki sipasang timbangang ri limanna.