YEHEZKIEL 4:14 - KITTA' MATANGKASA'

¹⁴ Mingka appialia' angkana, “Aduh, Batara Kaminang Tinggia! Battu ri ca'diku sa'genna kamma-kamma anne, tale'bakai kura'massi kalengku siagang kanre battua ri olo'-olo' matea yareka sesanna olo'-olo' sekkeka. Tale'baka' angnganre kanre nikanaya harang.”

YEHEZKIEL 4:14 ပူးပေါင်းရင်းမြစ်များ

KALAPPASSANG 22:30

kammayatompa sapia siagang gimbalaka, ia uru-urua lassu'. Lappassangi anjo olo'-oloka ammantang ri anronna lalanna tuju allo, nampa ri makasagantujuna alloa passareangi mae ri Nakke.

KALAPPASSANG 22:31

Ikau ngasemmi ummakKu; lanri kammana, manna olo'-olo' apa mamo punna nikanrei ri olo'-olo' sekke', takkulleai nukanre dagenna; passareangi anjo dagenga mae ri kongkonga.”

YESAYA 65:4

Punna bangngi a'lampai ke'nanga mange ri kali'bong-kali'bong batua siagang sikamma kuburuka untu' appala' tangara' mae roh-rohna alusuka. Angnganrei ke'nanga dageng bawi siagang angnginungi je'ne' dageng haranga.

YESAYA 66:17

Nakana Batara, “Sikontu tau antangkasiai kalenna untu' a'balulung mange ri koko-kokoa mange anynyomba siagang anggaukangi ibadaya mae ri rewata-rewataya, lalanynyaki siagang tau angnganrea bawi, balao, kammayatompa kanre maraengannaya appakaringi'-ringika.

YEREMIA 1:6

Appialia' angkana, “O Batara Kaminang Tinggia, inakke tena kucara'de' a'bicara lanri rungka dudu ija'.”

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

YEHEZKIEL 4:15

Jari Nakanamo Allata'ala, “Baji'mi. Salaku sambenna tai taua, akkulleko ammake tai sapi untu' antunui rotinu.”

YEHEZKIEL 44:31

Jangang-janganga siagang olo'-olo' maraengannaya punna mate kalennai yareka mate nikokkoki ri olo'-olo' sekke', takkulleai sikamma imanga angkanrei.”

YEHEZKIEL 9:8

Lalang nigaukanna anjo pammunoanga, kale-kalengku nia' anjoreng. Su'juka' siagang akkio'ma' angkana, “O Batara Kaminang Tinggia, maka sanna' dudu kammami anjo larroTa mae ri Yerusalem, sa'genna ero' Kibuno kabusu' tau niaka ija ri anne Israel?”

DANIEL 1:8

Lanri pannulunNa Allata'ala, anjo Daniel sanna' nisayanna siagang nikamaseanna ri Aspenas. Napattantui ri nyawana Daniel angkanaya tena nalanara'massi kalenna iamintu angnganre yareka angnginung anggoro' battu ri balla' karaenga; lanri kammana anjo napala'mi ri Aspenas sollanna nisare kanre maraeng.

KAIMANGNGANG 17:15

Sikamma tu Israelka yareka bansa maraeng angnganrea dageng mate kalenna, yareka mate nikokko' ri olo'-olo' sekke', musti nasassai pakeanna nampa a'je'ne' siagang attayang sa'genna labu alloa, nampami a'jari tangkasa'.

KAIMANGNGANG 19:7

lanri harammi anjo dagenga. Punna nikanre iji anjo dagenga, tena naKutarimai anjo koro'banga.

KAIMANGNGANG 22:8

Tena nipa'biangi angnganre dageng olo'-olo' mate kalenna yareka mate nikokko' ri olo'-olo' sekke'. Punna nakanrei, a'jari ra'masaki. INakke Batara.

LAMPA-LAMPANA 10:14

Appialimi Petrus nakana, “Tena, Batara! Tena le'bakapa' angnganre apa-apa haranga siagang ra'masaka.”

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

PAOLE 14:3

“Teako angnganrei olo'-olo' nipattantua angkana harangi ri Batara.