YEHEZKIEL 39:6 - KITTA' MATANGKASA'

⁶ Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

YEHEZKIEL 39:6 ပူးပေါင်းရင်းမြစ်များ

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YEHEZKIEL 30:16

siagang anjo kotaya lasanna' sessana. Tojeng, laKutunui Mesir. Tembo'-tembo'na kota Tebe laruntungi, siagang anjo kotaya lanitujui ri a'ba.

YEHEZKIEL 30:8

Punna Kutunu Mesir siagang Kubuno kabusu' naaganga sita'gala', naassemmi ke'nanga angkanaya iNakkemi Batara.

YEHEZKIEL 30:9

Punna narapi' anjo alloa, nampa ancuru'mo Mesir, laKukiringi sikamma suroKu siagang kappala' jai untu' ampata'bangkai tu Sudan tenaya bata-batana, sa'genna a'jari malla'mo ke'nanga. Tojeng, anjo allo kammaya lanarapiki wattunna labattu!”

YEHEZKIEL 37:6

Kusareko ammotere' ura'-ura' siagang assi kammayatompa Kurokokko bukkuleng. LaKusareko nappasa' sa'gennu attallasa' poleang. Jari nuassemmi angkanaya iNakkemi Batara.”

YEHEZKIEL 38:11

Lanupattantui untu' ambunduki anjo pa'rasangang tenaya pattahanganna, pandudu' attallasaka siagang amang na sannang ri kota-kota tenaya nammake tembo' siagang tenaya nammake pattahangngang.

YEHEZKIEL 38:13

Pandudu'na Syeba, Dedan, siagang sikamma padangganga ri kota-kota pa'rasangang Spanyol lakkuta'nangi mae ri kau kamma anne, ‘Apaka nupagioki tantaranu lanri ero'nuji anrampasa' siagang angngella' bulaeng, pera', olo'-olo', siagang barang-barang maraenga, nampa nuengka' ngaseng sikammaya anjo?’ ”

YEHEZKIEL 38:2

“He tau, tunrai Gog, iamintu karaeng battua ri pa'rasangang Mesekh siagang Tubal ri butta Magog.

YEHEZKIEL 38:6

Sikontu tantara pejuang battua ri pa'rasangang Gomer siagang Bet-Togarma wara', majui siagang ia, kammayatompa jai bansa maraeng amminawang todong maju.

YEHEZKIEL 39:5

Anjo sikamma tantaraya latu'guruki na mate ri koko-kokoa. INakke, Batara Kaminang Tinggia, anne akkana.

AMOS 1:10

Lanri kammana anjo lakkiringA' pepe' mae ri tembo'-tembo'na Tirus siagang Kutunu sa'genna cappu' sikamma pattahanganna.”

AMOS 1:4

lanri kammana anjo lakkiringA' pepe' mange ri balla' karaenna Karaeng Hazael, siagang laKutunui sa'genna putta sikamma pattahanganna Karaeng Benhadad.

AMOS 1:7

Lanri kammana anjo lakkiringA' pepe' mae ri tembo'-tembo'na Gaza, siagang Kutunu sa'genna cappu' sikamma pattahanganna.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

PAPPICINI' 20:8

nala'lampamo natipu bansa-bansa tassiaraka ri sikontu linoa iamintu Gog siagang Magog. Nipa'rappungammi ri Billisika ke'nanga untu' a'bundu'; sanna' jaina ke'nanga, sanrapangi kassi' ri tamparanga jaina.

PAPPICINI' 20:9

Ta'bage-bagemi ke'nanga a'la'bang mae ri sikontu linoa, nampa nakurung pammantanganna Umma'Na Allata'ala siagang kota Nakamaseanga Allata'ala. Mingka naummi pepeka battu ri langika nampa naancu'-ancuru' ke'nanga.

HAKING-HAKING 18:7

Le'baki anjo a'lampami anjo tau limaya nampa mange ri Lais. Anjoreng naparhatikammi ke'nanga pandudu'na. Ma'nassami angkanaya cara katallassanna anjo panduduka ri Lais sangkammai bansa Sidon. Manna nakasa'lakkang ke'nanga, siagang bellai ri bansa Sidon, amangi siagang sannangi katallassanna ke'nanga, tena musunna, bajiki pattallassanna siagang tena kakuranganna ke'nanga manna sike'de'.