YEHEZKIEL 39:2 - KITTA' MATANGKASA'

² INakke lampalekkoi, siagang Kuerangi assulu' battu ri daera bellaya bageang wara', mange ri daera monconna Israel.

YEHEZKIEL 39:2 ပူးပေါင်းရင်းမြစ်များ

PAMMUJI 40:14

O, Batara, Kipasalama' laloa', o, Batara sadia maKi' untu' antulunga'!

PAMMUJI 68:2

Ammentemmi Allata'ala ampasisa'la'-sa'laki musunNa, tau birisika ri Ia larimi battu ri dallekanNa.

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YEHEZKIEL 32:30

Sikamma karaenga battu wara' niaki anjoreng, kammayatompa tu Sidon. Riolo kakoasanna ke'nanga appakamallaki, mingka kamma-kamma anne nipakasiri'mi ke'nanga, siagang tena nisunnaki nantama' ri linona tau matea siagang ngaseng sikamma tau matea lalang pa'bundukang. Anjorengi ke'nanga anra'ba siagang natanggongi ra'masa'na siagang ngaseng sikamma tau naunga ri linona tau matea.

YEHEZKIEL 38:15

A'lampako battu ri pa'rasangannu, bella battu wara', nirurungang ri tantara lompo siagang heba', yangasenna pasukang a'jarang battu ri a'rupa-rupaya bansa.

YEHEZKIEL 39:1

Nakana Batara Kaminang Tinggia, “He tau, ancangi Gog, karaeng lompo battua ri pa'rasangang Mesekh siagang Tubal, siagang pauangi angkanaya iNakke anne musunna.

YEHEZKIEL 39:3

Anjoreng laKutunrungi anrong panana sa'genna ta'lappasa' battu ri lima kairinna, nampa Kutu'gurang ana'-ana' panana battu ri lima kananna.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.