YEHEZKIEL 39:12 - KITTA' MATANGKASA'

¹² Tuju bulangi sallona Israel akkareso antarawangi anjo sikontu tau matea sollanna tenamo nara'masa' anjo tampaka.

YEHEZKIEL 39:12 ပူးပေါင်းရင်းမြစ်များ

YEHEZKIEL 39:11

Nakana Batara, “Punna kajariang ngasemmo anjo sikammaya, laKusaremi Gog butta pa'jerakkang ri Israel, iamintu ri ka'bung pa'limbangnganga ri rayanganna Tamparang Matea. Anjoremmi Gog siagang sikontu tantarana lanitarawang. Siagang laniaremmi anjo ka'bunga ‘Ka'bung Pasukang Gog’.

YEHEZKIEL 39:14

Allalonamo anjo wattu tuju bulanga, nia' siapa are tau lanisare tugasa' untu' angnginroi anjo pa'rasanganga amboyai maya'-maya' niaka ija tassiara'; na punna nia' nabuntulu', natarawangi ke'nanga anjo mayaka sollanna natangkasa' anjo pa'rasanganga battu ri kara'massanga.

YEHEZKIEL 39:16

Kammami anjo carana nanitangkasi anjo pa'rasanganga battu ri kara'massanga. (Ri allo ri boko, anjoreng ri ka'bunga lania' kota niarenga sangkamma Pasukang Gog.)”

PAMMILANGNGANG 19:11

Tau niseroa ri maya' a'jari ra'masaki sa'genna tuju allo.

PAMMILANGNGANG 19:14

Punna nia' tau mate lalang ri se'reang kema, manna inai antama' yareka nia' lalang ri anjo kemaya, a'jari ra'masaki lalang tuju allo.

PAMMILANGNGANG 19:16

Sikamma tau niseroa ri maya'na tau mate nibunoa, yareka mate kalenna ri kokoa, a'jari ra'masaki lalang tuju allo. Kamma tomminjo tau anseroai jera'na yareka bukunna tau matea.

PAOLE 21:23

anjo mayaka takkulleai niboli' anjoreng sila'busu' bangngi, mingka musti nitarawang memangi anjo wattua. Maya' ammantanga ta'gentung ri bentenga appabattui pattunra battu ri Allata'ala mae ri anjo pa'rasanganga. Jari, tarawangi anjo mayaka sollanna tena nara'massi pa'rasangang Napassareanga Karaeng Allata'alanu mae ri kau.