YEHEZKIEL 38:9 - KITTA' MATANGKASA'

⁹ Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

YEHEZKIEL 38:9 ပူးပေါင်းရင်းမြစ်များ

YESAYA 25:4

Saba' iKattemi palararianna tau lammaya, tampa' amanga mae ri tu kasi-asia lalang kasukkarranga. IKattemi pa'la'langngang battu ri anging lompoa, pa'la'langngang battu ri bambanna alloa. Saba' tau pallaka a'bakkai rapang anging lompo ri wattu bara',

YESAYA 28:2

Nia' se're tau kassa' siagang barani laNasuro battu Batara. Kabattuanna nirurungangi ri bosi es siagang anging kancang, rapang bosi lompo siagang a'ba ammanyukkanga. Nakaterassangi na napatappasa' ke'nanga naung ri buttaya.

YESAYA 5:28

Ciduki ana' panana na sadiamo anrong panana ero' appabuccu'. Kanuku jaranna kamma batu pepe' terasa'na, siagang roda karetana tapputaraki rapang anging puttusu'.

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

YEHEZKIEL 13:11

He, na'bi-na'bi takontutojenga, laruntungi tembo'nu. LappaturungA' bosi lompo. Anjo temboka lanitujui ri anging barubu siagang lanitujui ri bosi es,

YEHEZKIEL 30:18

Anjo wattua laKupakala'busammi kakoasanna karaeng Mesir, siagang Kuallei anjo kakoasang nakatampoang dudua; Tahpanhes lanitongkoki ri sassang siagang tubai'-bainena lanitahangi.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

PAPPICINI' 20:9

Ta'bage-bagemi ke'nanga a'la'bang mae ri sikontu linoa, nampa nakurung pammantanganna Umma'Na Allata'ala siagang kota Nakamaseanga Allata'ala. Mingka naummi pepeka battu ri langika nampa naancu'-ancuru' ke'nanga.