YEHEZKIEL 38:8 - KITTA' MATANGKASA'

⁸ Tena siapa taung sallona naKusuro maju ambunduki se'reang pa'rasangang siagang pandudu' le'baka nipa'rappung ammotere' battu ri alla'na bansa-bansaya nampa ammantang ri anjo pa'rasanganga siagang amang. Lanaempoi Gog daera monconna Israel, iamintu salloamo sino siagang a'jari loro, mingka kamma-kamma anne nipammantangngimi ri ra'ya' amanga katallassanna.

YEHEZKIEL 38:8 ပူးပေါင်းရင်းမြစ်များ

PA'JARIANG 49:1

Nampa nakio'mi sikamma ana'na Yakub, nampa nakana, “A'rappungang mako anrinni, ri ampikku. Lakupauangko apa lakajarianga mae ri kalennu ri allo ri boko:

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 24:22

Lanipa'rappungangi ke'nanga rapang tau nitahanga lalang ri kali'bong, siagang nipantamaka ri tarungkua sa'genna narapi' wattunna lanihukkung.

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YESAYA 8:9

Annekkere' mako nu'rappungang, he sikontu bansaya! Pilangngeri he sikamma cappa'-cappa' buttaya! Sadiako untu' a'bundu', mingka siagang pa'mai' annekkereka! Iyo, sadia-sadiako, mingka lalang malla'nu!

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 30:18

Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.

YEREMIA 30:3

Nasaba' lanarapiki sallang wattunna nalaKupa'jari baji' ammotere' katallassanna ummakKu Israel siagang Yehuda. LaKuerangi ammotere' ke'nanga mange ri pa'rasangang le'baka Kupassareang mae ri boe-boena ke'nanga. Anjo pa'rasanganga lanapatangi ammotere' ke'nanga. INakke, Batara, anne akkana.”

YEREMIA 32:37

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.

YEREMIA 32:5

Nampa laniengka' Zedekia mange ri Babel siagang ammantang anjoreng sa'genna Kuhukkung. Manna pole nanabunduki tu Babel, mingka tena nakkulle lambetai. INakke, Batara, anne akkana.”

YEREMIA 33:16

Tu Yehuda siagang pandudu'na Yerusalem lanipasalamaki siagang laamangi lalang tallasa'na. Kota Yerusalem laniarengi ‘Batara Tumappasalamatta’.

YEREMIA 48:47

Mingka sallang, laKupa'jari bajiki ammotere' katallassanna pa'rasangang Moab. INakke, Batara, anne akkana!” Iaminjo Nagaukanga Batara mae ri Moab.

YEREMIA 49:39

Mingka sallang, laKupa'jari bajiki ammotere' katallassanna Elam. INakke, Batara, anne akkana.”

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

YEHEZKIEL 28:26

Lattallasaki ke'nanga siagang amang anjoreng, siagang ambangung balla' siagang appareki koko-koko anggoro'. LaKuhukkungi sikamma bansa singngampi'na ke'nanga le'baka anghinai ke'nanga sa'genna a'jari amang Israel. Na naassemmi ke'nanga angkanaya iNakke Batara.”

YEHEZKIEL 34:13

LaKupasuluki ke'nanga battu ri tangngana bansa-bansaya siagang pa'rasangang-pa'rasangang maraeng, nampa Kupa'rappung siagang Kuerang mange ri pa'rasangang kalenna. LaKukalawaki ke'nanga ri sikamma monconga siagang ka'bunga ri Israel, siagang Kururungang mange ri parang ruku' nyamanga.

YEHEZKIEL 38:14

Lanri kammana anjo Nasuroa' Batara Kaminang Tinggia untu' ampabattui anne pasanga mae ri Gog, angkana, “Ba'lalo ri wattunna attallasa' amang siagang sannang ummakKu Israel nanubattu ambunduki.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.

YEHEZKIEL 39:26

Punna sannangi pole ke'nanga ammantang ri pa'rasangang kalenna, tena manna sitau lakkulle anggarattaki ke'nanga; jari lanakaluppaimi ke'nanga antekamma batena le'ba' nipakasiri' ke'nanga lanri dorakana mae ri Nakke.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

PAMMILANGNGANG 24:14

Nakana Bileam mae ri Balak, “Kamma-kamma anne erokka' ammotere' mange ri bansaku. Mingka lalang tenanapa ku'lampa, bajiki punna kupabattuangki' karaeng, apa lanagaukanga bansa Israel mae ri bansata ri allo ri boko.”

PAOLE 4:30

Punna nitujuko ri yangasenna anjo balaya siagang punna niakko lalang ri kasukkaranga, lammoterekko mae ri Karaeng Allata'alanu siagang mannuruki ri Ia.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.