YEHEZKIEL 38:4 - KITTA' MATANGKASA'

⁴ LaKupalekkoi, laKupitabai pakkai' cango-cangona, nampa Kupasinta' assulu' siagang sikontu pasukanna. Jai sikali pasukang a'jaranna, ammakeang sangkamma-kammaya. Tunggala' tantarana massing angngerangi pannangkisi' siagang pa'dang.

YEHEZKIEL 38:4 ပူးပေါင်းရင်းမြစ်များ

2 KARAENG-KARAENG 19:28

Kuassengi angkanaya larro sikaliko mae ri Nakke, siagang Kulangngere' tommi anjo kana-kana tamponu. Kamma-kamma anne Kusareimi pakkai' ka'murunnu siagang Kupitabaimi sa'mang bawanu, sollannu akkulle Kurenreng ammotere' battu ri oloang nuoloa ri wattunnu battu.”

1 PATTOTTORANG 12:8

Ri wattu nia'na Daud ri pattampakkanna ri parang lompoa, jai pejuang masahoro' siagang niaka pangalamanna battu ri suku Gad battu a'gabung mae ri ia. Iami ke'nanga pejuang-pejuang sannaka cara'de'na ammake sanjata poke siagang pa'lapa' barambang; sanna' ngaseng baranina ke'nanga sanrapang singa, siagang lacciri' sikali ke'nanga sanrapang jonga.

2 PATTOTTORANG 25:5

Napa'rappungi Karaeng Amazia sikontu tau battua ri suku Yehuda siagang Benyamin nampa nasuro ke'nanga ammenteng situru' passilokoang bijanna, nipimping ri komandang tassisa'bu tau siagang komandang tassibilangngang tau. Nampa napilei sikamma tau umuru' 20 taung narateanganna, akkullea a'bundu' siagang cara'deka ammake sanjata poke siagang pannangkisi'. Nia' 300.000 jaina ke'nanga.

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YESAYA 43:17

Nasuroi tantaraya siagang sikamma perwirana a'bundu', na maju ke'nanga siagang kareta nirenreng ri jarang. Mingka tu'guruki ke'nanga, takkuleami ambangung poleang, matemi ke'nanga rapang sulo mateamo rinrana.

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YEHEZKIEL 23:12

Oholiba sanna' todong cinnana ri anjo tu Asyur, iamintu sikamma tu bura'ne gammara' battu ri pasukang a'jarang, bija-bija karaeng, pagawe-pagawe tinggi, siagang sikamma tantara ammakeang ejaya siagang cura' lame butunga anjo.

YEHEZKIEL 29:4

LaKupitabai pakkai' cango-cangonu siagang laKupadakkiki sikamma jukuka ri sissi'nu. Nampa Kubesokko assulu' battu ri Binanga Nil siagang sikontu anjo juku' a'dakkika ri sissi'nu.

YEHEZKIEL 38:15

A'lampako battu ri pa'rasangannu, bella battu wara', nirurungang ri tantara lompo siagang heba', yangasenna pasukang a'jarang battu ri a'rupa-rupaya bansa.

YEHEZKIEL 38:3

Paui mae ri ia angkana iNakke, Batara Kaminang Tinggia, musunna.

YEHEZKIEL 39:2

INakke lampalekkoi, siagang Kuerangi assulu' battu ri daera bellaya bageang wara', mange ri daera monconna Israel.

YEHEZKIEL 39:20

Ri mejangKu akkullei ke'nanga nabassori battanna siagang sikontu tau a'jaranga siagang jaranna, kammayatompa sikontu pasukang tu baranina. INakke, Batara Kaminang Tinggia, anne akkana.”

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

AMOS 4:2

INakke, Batara Kaminang Tinggia, iamintu Batara matangkasa', siagang le'ba'Ma' a'janji angkanaya lanire'resangko sallang siagang pakkai'; lasinrapang ngasengko juku' ri mata pekanga.