YEHEZKIEL 38:20 - KITTA' MATANGKASA'

²⁰ Kabusu'na jukuka siagang jangang-janganga, sikontu olo'-olo' lompoa siagang ca'dia, kammayatompa sikontu rupataua ri lino, lannekkereki napakamma malla' andallekangA'. Laruntungi sikamma monconga, lala'boroki sikamma ta'binga, siagang larumbangi sikamma temboka.

YEHEZKIEL 38:20 ပူးပေါင်းရင်းမြစ်များ

YESAYA 30:25

Ri allo nitammulilina tembo'-tembo' pattahanganna sikamma musunnu siagang nibuno sikamma taunna, sikamma monconga siagang buluka lappasuluki siapa are jaina kaloro'.

YESAYA 42:15

LaKupa'jari kalotoroki monconga siagang buluka, Kupa'jari kalumeng sikontu timbo-timboanna. Kupinrai ka'bung binangaya a'jari parang lompo, sikontu kollang lompoa Kupa'jari kalotoroki.

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

2 KORINTUS 10:4

Kagassinganna ikambe lalang anggaukangi anne jama-jamanga teai kagassingang battu ri anne linoa, passangalinna kagassingang battu ri Allata'ala. Iaminjo kagassinganga napake ikambe angngancuruki kagassinganna linoa, antepoki bicara pa'geakkanga,

PAPPICINI' 6:14

Lanynya'mi langika sangkamma karattasa' nigulunga, siagang sikontu buluka siagang puloa a'lesso' ngasengi battu ri tampa'na.