YEHEZKIEL 37:9 - KITTA' MATANGKASA'

⁹ Nakana Allata'ala ri nakke, “He tau, a'bicarako mae ri anginga. Pauangi angkana iNakke, Batara Kaminang Tinggia amparentakangi mae ri ia sollanna nia' battu ri kere-keremae, untu' ampatuiki nappasaka antama' ri anjo sikamma tubu matea sa'genna attallasa' poleang.”

YEHEZKIEL 37:9 ပူးပေါင်းရင်းမြစ်များ

PAMMUJI 104:30

Mingka punna Kisare ke'nanga nappasa', nipa'jarimi ke'nanga; Kisarei katallassang beru linoa.

KELONG MALA'BIRI' 4:16

Ambangungko, he anging battu waraka, battuko mae, he anging battu timboro'! Ammirikko ri kokongku, lappassammi a'rasa kabaukanna. Dasi-dasi nabattu tanringku mae ri kokonna, na nakanre rappo-rappo nyamanga.

YEHEZKIEL 37:14

LaKupatuiki nappasaka antama' ri kalenna ke'nanga untu' ampakatallasaki ke'nanga, nampa Kusare pakkulle ke'nanga ammantang ri pa'rasangang kalenna. Jari naassemmi ke'nanga angkanaya iNakke Batara. INakke Batara anne akkana, siagang mattantu la'rupana kanangKu.”

YEHEZKIEL 37:4

Nampa Nasuroma' Batara ampabattui pasanNa mae ri anjo buku-buku kalotoroka angkana,

YEHEZKIEL 37:5

“INakke Batara Kaminang Tinggia ampatuiki nappasaka antama' ri kalennu sollannu attallasa' poleang.

YEHEZKIEL 37:8

Lalang kuparhatikanna anjo kammaya, appakaramulami anjo buku-bukua nia' ura'na siagang assinna, kammayatompa nia' tommo bukkulenna, mingka tenapa na'nyawa anjo sikamma tubua.

DANIEL 11:4

Mingka ri coppo' kaporeanna, lareppeki siagang ta'bage-bagei kakaraenganna a'jari appa' bageang. Karaeng-karaeng teai jari-jarina lammarenta ansambeangi, siagang tena nasangkamma ia kagassinganna ke'nanga.

HOSEA 13:14

Anne bansaya tena nalaKupasalamaki battu ri linona tau matea. He kamateanga, pa'la'bammi racunnu! Gaukammi anjo jama-jamannu angngancuruka! Tenamo naKukamaseangi anne bansaya.

ZAKHARIA 6:5

Appialimi angkana, “A'lampai ke'nanga mae ri appaka oloang ri wattu le'ba'na ke'nanga andallekang mae ri Batarana sikontu linoa.

YOHANES 3:8

Mammiriki anginga mange ri nakaerokia; nilangngereki sa'ranna, mingka taniassengai nakabattuia siagang lanatujua. Kamma tomminjo tau nilassukang poleanga ri RohNa Allata'ala.”

PAPPICINI' 10:11

Nampa nisuroma' angkana, “Pa'la'bangi sikalipa pole biritta battua ri Allata'ala ri passala'na bansa-bansaya, sikamma pa'rasanganga, bahasa-bahasaya, kammayatompa sikamma karak-karaenga.”

PAPPICINI' 11:11

Le'baki tallungallo assitangnga sallona, battumi nyawa attallasa' battua ri Allata'ala, nantama' poleang ri kalenna anjo ruaya na'bi. Ammentemmi nai' ke'nanga, sa'genna a'jari malla' sikalimo sikontu tau ancinikai.