YEHEZKIEL 37:6 - KITTA' MATANGKASA'

⁶ Kusareko ammotere' ura'-ura' siagang assi kammayatompa Kurokokko bukkuleng. LaKusareko nappasa' sa'gennu attallasa' poleang. Jari nuassemmi angkanaya iNakkemi Batara.”

YEHEZKIEL 37:6 ပူးပေါင်းရင်းမြစ်များ

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

PAMMUJI 104:30

Mingka punna Kisare ke'nanga nappasa', nipa'jarimi ke'nanga; Kisarei katallassang beru linoa.

KALAPPASSANG 6:3

Appare' tongA' parjanjiang siagang ke'nanga. A'janjiA' angkana laKusarei ke'nanga pa'rasangang Kanaan, iamintu pa'rasangang le'baka napammantangngi ke'nanga riolo salaku tau battu-battu.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YEHEZKIEL 11:10

Lamateko lalang pa'bundukang ri pa'rasangang kalennu, na nuassemmo angkanaya iNakke Batara.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 20:38

Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

YEHEZKIEL 32:15

Punna Kupa'jari Mesir parang lompo sino, kammayatompa Kupanraki sikontu apa ammantanga anjoreng, lanaassemmi ke'nanga angkanaya iNakkemi Batara.

YEHEZKIEL 34:27

Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.

YEHEZKIEL 35:12

Jari lanuassemmi angkanaya iNakke, Batara, Kulangngere'mi kana pacau-caunu ri wattunnu angkana: Moncong-monconga ri Israel a'jari sinoi siagang nipassareangi a'jari koro'banta.

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEHEZKIEL 35:9

Pa'rasangannu laKupa'jari parang lompoi untu' satunggu-tungguna, siagang kota-kotanu tenamo nalanipammantangngi ri taua. Jari lanuassemmi angkanaya iNakkemi Batara.

YEHEZKIEL 37:14

LaKupatuiki nappasaka antama' ri kalenna ke'nanga untu' ampakatallasaki ke'nanga, nampa Kusare pakkulle ke'nanga ammantang ri pa'rasangang kalenna. Jari naassemmi ke'nanga angkanaya iNakke Batara. INakke Batara anne akkana, siagang mattantu la'rupana kanangKu.”

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YEHEZKIEL 39:22

Appakkaramula anjo wattua lanaassemmi tu Israel angkanaya iNakkemi Karaeng Allata'alana ke'nanga.

YEHEZKIEL 39:28

Jari naassemmi ummakKu angkanaya iNakkemi Karaeng Allata'alana ke'nanga. Nasaba' iNakke angkiringi ke'nanga mange ri butta pammelakkanga, mingka iNakke todong angngerangi ke'nanga ammotere' mange ri pa'rasangang kalenna ke'nanga, natena manna sitau battu ri ke'nanga nibokoi anjoreng.

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

YEHEZKIEL 6:13

Sikamma maya'-maya'na latassiaraki ri alla'-alla'na barhalaya siagang ri tammulilina tampa'-tampa' koro'banga, ta'lapara' ri tunggala' bulu' tinggia, ri coppo'na monconga, irawanganna poko'-poko' kayu copponga leko'na siagang poko'-poko' kayu lompoa; bodona kana, kemae-kemae ke'nanga attunu koro'bang untu' barhalana ke'nanga. Jari tunggala' taua lanaassengi angkanaya iNakkemi Batara.

YEHEZKIEL 6:7

Kemae-kemae nia' tau nibuno, na sikamma tau salamaka lanaassemmi angkanaya iNakke Batara.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YO"EL 2:27

Jari nuasseng ngasemmi, he Israel, angkanaya niakKa' ri tangnga-tangnganu, siagang angkanaya iNakkemi Batara, Allata'alanu. Tena Allata'ala maraeng, pantarangannaya iNakke KalengKu. Tenamo nalanipakasiri' poleang ummakKu!”

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

PAOLE 29:6

Tena roti lanukanre siagang tena je'ne' anggoro' yareka inungang terasa' lanuinung, mingka Nasareko Batara sikontu apa nuparalluanga sollanna nuasseng angkanaya Iami Karaeng Allata'alanu.