YEHEZKIEL 37:3 - KITTA' MATANGKASA'

³ Akkuta'nangi Batara ri nakke angkana, “He tau, maka akkullei anne buku-bukua attallasa' poleang?” Appialima' angkana, “O Batara Kaminang Tinggia, iKatteji bawang angngassengi.”

YEHEZKIEL 37:3 ပူးပေါင်းရင်းမြစ်များ

PAMMUJI 88:11

Apaka untu' tau matea naKigaukang gau' appakalannasaka? Maka ambangungi ke'nanga nampa mammuji mae ri Katte?

YEHEZKIEL 26:19

Nakana Batara Kaminang Tinggia, “Kupa'jariko sino sikali sangkamma kota tenaya pandudu'na. LaKutambungiko siagang je'ne' battu ri tamparang lompoa.

YEHEZKIEL 37:2

Naeranga' Batara angnginroi anjo ka'bunga, na kucini' angkanaya ri sikontu anjo ka'bunga sanna' jaina buku-buku sannaka kalotoro'na.

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

LAMPA-LAMPANA 26:8

Angngapa natakkullea tappa' sikamma sari'battangku tu Yahudia angkanaya laNapattallasa' poleangi ammotere' Allata'ala tau matea?

ROMA 4:17

Nasaba' kammaminne kananNa Allata'ala mae ri Abraham, “Kupa'jari mako bapa'na jaia bansa ri lino.” Kammaminjo bateNa Allata'ala assarei janji Abraham. Natappa'mo Abraham mae ri Ia. Iami Allata'ala ampattallasa' poleangai ammotere' tau matea; Ia tommi Allata'ala poro akkanayaji bawang nakkullemo Napa'jari nia' apa-apa tenaya nale'ba' nia'.

1 KORINTUS 15:35

Gassingka nia' akkuta'nang angkana, “Antekamma punna nipattallasa' poleang ammotere' taua matea? Antekamma sallang tanja'na tubuna, punna attallasa' poleammo ammotere' ke'nanga?”

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

IBRANI 11:19

Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.