YEHEZKIEL 34:2 - KITTA' MATANGKASA'

² “He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

YEHEZKIEL 34:2 ပူးပေါင်းရင်းမြစ်များ

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

YEREMIA 10:21

Appialima' angkana, “Dongoki anjo pamimping-pamimpinta. Tena nappala' pitunju' ke'nanga mae ri Batara, iaminjo saba'na nasalasa ke'nanga, siagang kinipasiara'mo ri kere-keremae.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

YEREMIA 2:8

Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

YEREMIA 23:1

Nakana Karaeng Allata'alana Israel, “Cilakako he ikau sikamma pamimping ampanrakiai siagang ampasisa'la'-sa'lakai ummakKu! Ikau ngaseng mustina nuparakai ummakKu, mingka tena nanugaukangi kammaya; nubalang parekangi tassiara', lari. Kamma-kamma anne laKuhukkungko lanri kaja'dallannu.

YEREMIA 3:15

LaKusareko pamimping-pamimping mannurukia ri Nakke. Lanapimpingko ke'nanga siagang baji' kammayatompa mapahang bajika.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEHEZKIEL 22:25

Sikamma pamimpinna rapangi singa ammammuka ri le'ba'na angngokko' apa-apa. Nabunoi ke'nanga ra'yaka, narampasaki sikontu barang-barang siagang kakalumanynyangngang nabuntuluka siagang jai tubaine janda napakamma ke'nanga.

YEHEZKIEL 33:24

“He tau, anjo sikamma tau ammantanga ri rumbanna kota-kotaya ri butta Israel nakanai, ‘Abraham anggappai anne sikontu buttaya, padahala' ia poro kale-kalennaji bawang. Ikatte anne jaiki', jari anne buttaya ikatte pata.’ ”

YEHEZKIEL 34:1

Nakana Batara ri nakke,

YEHEZKIEL 34:14

Tojeng, laKupasadiangi ke'nanga parang-parang ruku' coppong ri daera monconga siagang ri sikamma lappara' ka'bunna butta Israel. Anjorengi ke'nanga lammari-mari siagang angnganre ruku' siagang amang.

YEHEZKIEL 34:15

KalengKu la'jari pakalawaki mae ri sikamma gimbalakKu siagang ampasadiangi tampa' pammari-mariang ke'nanga; iNakke, Batara Kaminang Tinggia, anne akkana.

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

ZAKHARIA 11:17

Nitunraimi anjo pakalawaki tenaya matu-matunna! Nabokoimi pa'rappunganna gimbala'na. Lanipa'le'baki kakoasanna ri pa'bundukanga. La'jari lammai paling-palinna siagang la'jari butai mata kananna.”

YOHANES 10:8

Sikamma tau battua rioloangangKu sangnging palukka' siagang paella'; mingka tanapilangngeriai gimbalaka sa'ranna ke'nanga.

LAMPA-LAMPANA 20:26

Jari kulambusiang mako kamma-kamma anne, angkanaya punna nia' ri kau anggappai kapanrakanga sallang, teaimi inakke pata sala.

LAMPA-LAMPANA 20:29

Punna a'lampa' sallang, ma'nassa laniaki battu kongkong romang nye'nyereka ri tangnga-tangnganu. Na anjo tau nujagaia la'jarimi sanrapang kanre-kanrena anjo kongkong romang nye'nyereka.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

2 KORINTUS 12:14

Kamma-kamma anne maka pintallungkumi apparuru ero' battu angkunjungiko. Natena nakuero' ansusaiko. Nasaba' teai barang-barannu kukaeroki, passangalinna kalennu. Nasaba' teai ana'-anaka ampa'boyangi katallassang tau toana, passangalinna tau toanaji musti ampa'boyangi katallassang ana'-ana'na.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:12

Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.