YEHEZKIEL 33:4 - KITTA' MATANGKASA'

^4-5 Inai-nai allangngereki anjo tanra bahayaya, mingka tena najampangi, nampa battumo musua ambunoi, ia matei lanri salana tonji. Ebara' angkana naparhatikangi anjo tanra bahayaya, tantu akkullei salama'.

YEHEZKIEL 33:4 ပူးပေါင်းရင်းမြစ်များ

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

1 KARAENG-KARAENG 2:37

Punna baraniko assulu' siagang a'lampa allaloi pangkana Binanga Kidron, musti nibunoko. Nampa kalennu tonji antanggongi anjo kasalannu.”

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 6:17

Nampa a'mole-molemo Batara angngangka' pajaga untu' ampakaingaki ke'nanga sollanna napilangngeri pammateina sa'ra tarompeka. Mingka nakana ummaka, “Taerokai ikambe ampilangngeri.”

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

YEHEZKIEL 33:9

Punna nupakaingaki anjo tau ja'dalaka nampa taeroka ammari a'gau' ja'dala', lamatei salaku tau doraka, mingka ikau kalennu lasalamakko.”

KAIMANGNGANG 20:9

Napassareangi Batara anne paratorang-paratorang angkanaya, “Inai-nai antunrai manggena yareka anronna, musti nihukkung matei. Matei lanri salana tonji.

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

LAMPA-LAMPANA 20:26

Jari kulambusiang mako kamma-kamma anne, angkanaya punna nia' ri kau anggappai kapanrakanga sallang, teaimi inakke pata sala.

YAKOBUS 1:22

Parallui nugaukang apa-apa Napaua Allata'ala; teako poro nullangngere'naja bawang, sa'genna sangkammami nuballe-ballei kalennu.