YEHEZKIEL 33:3 - KITTA' MATANGKASA'

³ Punna naciniki anjo pajagaya battu musua, lappasa'rai pammatei tanra bahaya, sollanna tutu kabusu' taua.

YEHEZKIEL 33:3 ပူးပေါင်းရင်းမြစ်များ

NEHEMIA 4:18

Tukang-tukang batua anjama tommi nassele' pa'dang ri aya'na. Patui' tarompe' pammatei nia' bahaya, tuli niaki ri sa'ringku.

NEHEMIA 4:20

Jari, punna allangngerekko tarompe', karo-karoko a'rappung ri tammulilina ikambe anrinni. Allata'alata la'bundu' untu' ikatte.”

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YEREMIA 4:5

Tuiki tarompe'nu ri sikontu pa'rasangang! Bajiki batenu akkio' siagang lompoi. Suroi lari pandudu' Yehuda siagang Yerusalem mange ri kota-kota niaka tembo' pattahanganna.

YEREMIA 51:27

“He karaeng niaka battu wara'! Assare mako pammatei untu' maju! Pasa'rai tarompeka sollanna allangngere' bansa-bansaya! Pagioki sikontu bansa-bansaya untu' mange a'bundu' angngewai Babel! Suroi kakaraengang Ararat, Mini, siagang Askenas untu' maju. Angkaki sitau panglima untu' ampimpingi anjo pa'bundukanga. Pagioki jaranga sanrapanga katimbanga jaina.

YEREMIA 6:1

A'lampako alliliangi kalennu, he sikamma tu Benyamin! Bokoi Yerusalem! Pasa'rai tarompeka ri Tekoa, siagang apparinrako pepe' ri Bet-Kerem salaku pammatei! Niaki battu wara' balaya siagang bahaya lompoa lantujuko.

YEHEZKIEL 3:19

Punna nupakaingaki anjo tau ja'dalaka na tena naero' ampamari a'gau' ja'dala', lamatei salaku tau doraka, mingka ikau kalennu lasalamakko.

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

YO"EL 2:1

Tuiki tarompeka, pasa'rai tanra bahayaya ri Bulu' Sion matangkasaka, ri pammantangnganNa Allata'ala. Annekkere' mako, he pandudu'na Yehuda! Nasaba' a'reppese'mi AllonNa Batara siagang tasalloami nabattu.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

1 KORINTUS 14:8

Nia' pole conto maraeng: Punna nipasa'ra sambarangang anjo tarompe' pa'bundukanga, maka inai lasadia ero' a'bundu'?