YEHEZKIEL 32:27 - KITTA' MATANGKASA'

²⁷ Tena nanggappa ke'nanga acara nikuburu' nipakalompo sangkamma tau barania ri jammang riolo, ia naunga ri linona tau matea siagang sanjatana langkaka. Anjo sikamma tau barania nikuburuki siagang pa'dang niparirawangngang ulunna siagang pannangkisi' niparibarambanna. Ri wattunna attallasa', anjo sikamma tau barania, ma'nassa barani tojengi, sa'genna a'jari malla' ngaseng taua.

YEHEZKIEL 32:27 ပူးပေါင်းရင်းမြစ်များ

AYUB 20:11

Manna narungka siagang pore, mingka poro sinampe'ji na'jari limbu'bu' bawang.

PAMMUJI 109:18

Untu' ia anjo akkana tunraya nakanai panggaukang biasaji, sangkamma punna napake pakeanna. Boli'mi kamma anjo pattunraya a'la'bangi sanrapang je'ne' mae ri tubuna, sanrapang minynya' antama' ri buku-bukunna.

PAMMUJI 49:14

Kammaminjo sarenna tau ampattoangiai kalenna, siagang allo ri bokona tau sukkuka nasa'ring ri kana-kananna.

PAMMUJI 92:7

Tau dongoka takkulleai napahang, tau toloa takkulleai napahang.

PAMMUJI 92:9

saba' iKatte, o Batara, koasaKi' satunggu-tungguna.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

YESAYA 14:16

Ia ke'nanga tau niaka anjoreng lanacinikiko siagang lanajanjangko. Lakkuta'nangi ke'nanga angkana, ‘Iaka minne tau ampakamallaki buttaya siagang ampakagegereki sikamma kakaraenganga?

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YEHEZKIEL 18:20

Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

YEHEZKIEL 26:17

Nampa lakkelong ke'nanga ampakkelongangko lagu pattarawang angkana: Ancuru'mi kota nipakalompoa! Sikontu kappala'na nibarrasa' battu ri tamparang. Riolo pandudu'na koasai ri tamparang na'jari malla' sikamma tau ammantanga ri biring tamparang.

YEHEZKIEL 32:21

Sikamma tubarani gammaraka siagang sikamma tau naaganga Mesir sita'gala' lalang pa'bundukang, lanaruppai siagang rannu kabattuanna tu Mesir antama' ri linona tau matea. Akkio' rannui ke'nanga angkana, ‘Sikamma anjo tau tenaya natappa' ri Allata'ala, matemi lalang pa'bundukang. Kamma-kamma anne battumi mae ke'nanga siagang anra'ba anrinni.’

YEHEZKIEL 32:28

Kammami anjo tu Mesir lanitarawang siagang nipara'ba ri tangnga-tangngana tau tenaya natappa' ri Allata'ala siagang tau matea lalang pa'bundukang.

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

2 KORINTUS 10:4

Kagassinganna ikambe lalang anggaukangi anne jama-jamanga teai kagassingang battu ri anne linoa, passangalinna kagassingang battu ri Allata'ala. Iaminjo kagassinganga napake ikambe angngancuruki kagassinganna linoa, antepoki bicara pa'geakkanga,