YEHEZKIEL 32:24 - KITTA' MATANGKASA'

^24-25 Elam niaki anjoreng siagang kuburu'na tantarana ri tammulilina. Tena nisunnaki ke'nanga, namate ngaseng lalang ri pa'bundukang, nampa naung ri linona tau matea. Ri wattunna attallasa' ke'nanga appakamallaki, mingka kamma-kamma anne matemi ke'nanga siagang musti natanggongi siri'-sirika siagang ngaseng sikamma tau matea lalang pa'bundukang.

YEHEZKIEL 32:24 ပူးပေါင်းရင်းမြစ်များ

PA'JARIANG 10:22

Sikamma ana'na Sem iamintu: Elam, Asyur, Arpakhsad, Lud, siagang Aram.

PA'JARIANG 14:1

Nia' appa' karaeng, iamintu: Amrafel battu ri Babilonia, Ariokh battu ri Elasar, Kedorlaomer battu ri Elam, siagang Tideal battu ri Goyim.

1 PATTOTTORANG 1:17

Ana'-ana' bura'nena Sem iamintu: Elam, Asyur, Arpakhsad, Lud, Aram, Us, Hul, Geter, siagang Mesekh. Iaminne ke'nanga boe-boena bansa-bansa niarenga situru' arenna ke'nanga.

AYUB 28:13

Kacara'dekanga tenai ri tangnga-tangngana rupataua; tena angngassengi antekamma lompona anggarang sitojennaya.

PAMMUJI 142:5

Ri wattungku assaile mae ri sa'ri, kuciniki angkana tena bantuangku. Tena anjagaia', yareka anjampangi kalengku.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 38:11

Kukana, talakucinikami Batara ri linoa anne, yareka accini' tau ri anne linoa.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEHEZKIEL 16:54

Lanri kammana anjo lasiri'-siri' mako mae ri kalennu, siagang anjo katunaannu lampappicinikangi mae ri sikamma sari'battannu antekamma la'bi baji'na sarenna ke'nanga.

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

YEHEZKIEL 31:14

Kabusu'na anjo sikammaya kajariangi sollanna appakkaramula anne wattua, tenamo pole poko' kayu lattimbo kamma anjo tinggina; tenamo coppo' poko' kayu lanrapi' nai' ri rammanga manna pole nanggappa je'ne' allumpa-lumpa. Kabusu'na musti matei sangkamma rupatau biasaya, nampa asse're siagang sikamma tau naungamo ri linona tau matea.”

YEHEZKIEL 31:18

Anjo poko' kayua a'jari pangngebarangi mae ri karaeng Mesir siagang bansana. Tena poko' kayu ri Eden kammaya anjo tinggina siagang la'biri'na. Mingka kamma-kamma anne, sangkamma todong poko'-poko' kayu ri Eden anjo poko' kayua lanaung tongi ri linona tau matea nampa asse're siagang ke'nanga tenaya natappa' ri Allata'ala, siagang sikamma tau matea lalang pa'bundukang. INakke, Batara Kaminang Tinggia, anne akkana.”

YEHEZKIEL 32:18

“He tau, susako ri nyawanu lanri ra'ya' Mesir. Kiringi ke'nanga mange ri linona tau matea siagang ngaseng pa'rasangang-pa'rasangang kassa' maraenga.

YEHEZKIEL 32:19

Paui mae ri ke'nanga, angkana, ‘Nukapangi angkana ikau kaminang ga'ga? Lanaungko ri linona tau matea, siagang nipara'bako ri alla'na tau tenaya natappa' ri Allata'ala.’

YEHEZKIEL 32:21

Sikamma tubarani gammaraka siagang sikamma tau naaganga Mesir sita'gala' lalang pa'bundukang, lanaruppai siagang rannu kabattuanna tu Mesir antama' ri linona tau matea. Akkio' rannui ke'nanga angkana, ‘Sikamma anjo tau tenaya natappa' ri Allata'ala, matemi lalang pa'bundukang. Kamma-kamma anne battumi mae ke'nanga siagang anra'ba anrinni.’

YEHEZKIEL 32:30

Sikamma karaenga battu wara' niaki anjoreng, kammayatompa tu Sidon. Riolo kakoasanna ke'nanga appakamallaki, mingka kamma-kamma anne nipakasiri'mi ke'nanga, siagang tena nisunnaki nantama' ri linona tau matea siagang ngaseng sikamma tau matea lalang pa'bundukang. Anjorengi ke'nanga anra'ba siagang natanggongi ra'masa'na siagang ngaseng sikamma tau naunga ri linona tau matea.

YEHEZKIEL 34:29

LaKupicoppongi sikamma kokonna ke'nanga sa'genna tenamo wattu kacipurang ri anjo pa'rasanganga. Tenamo nalanihina ke'nanga ri bansa-bansa maraenga.

YEHEZKIEL 36:15

Tenamo naparallu anne buttaya allangngereki bansa-bansaya ancau-caui yareka nihina ri taua. Anne buttaya tenamo nalanatumpasa' bansa ampammantangiai. INakke, Batara Kaminang Tinggia anne akkana.’ ”

YEHEZKIEL 39:26

Punna sannangi pole ke'nanga ammantang ri pa'rasangang kalenna, tena manna sitau lakkulle anggarattaki ke'nanga; jari lanakaluppaimi ke'nanga antekamma batena le'ba' nipakasiri' ke'nanga lanri dorakana mae ri Nakke.

YEHEZKIEL 44:13

Anjo ke'nanga tenamo nakkulle allayaniA' salaku imang yareka anseroi apa matangkasaka untu' iNakke, yareka antama' ri Tampa' Kaminang Matangkasaka. Iami anjo hukkungang mae ri panggaukang-panggaukang ra'masa' nagaukanga ke'nanga.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!