YEHEZKIEL 32:22 - KITTA' MATANGKASA'

^22-23 Asyur anra'bai anjoreng, nikulilingi ri kuburu'na sikamma tantarana. Yangasenna ke'nanga matei lalang pa'bundukang. Kuburu'na ke'nanga niaki ri bageang kaminang irawa ri linona tau matea. Ri wattu attallasa'na ija ke'nanga, appakamallaki mae ri linoa.

YEHEZKIEL 32:22 ပူးပေါင်းရင်းမြစ်များ

YESAYA 14:25

Tu Asyur niaka ri Israel pa'rasangangKu, laKupanraki, na ia niaka ri moncong-moncongKu laKuonjo'-onjokangi. LaKupakabebasaki bansaKu battu ri panjallakkanga siagang battu ri erangngang battala' napassakanga bansa Asyur.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YEHEZKIEL 27:23

Kota-kota Haran, Kane, Eden, sikamma padanggang battua ri Syeba, kota-kota Asyur siagang Kilmad, yangasenna a'danggangi siagang ikau.

YEHEZKIEL 32:24

Elam niaki anjoreng siagang kuburu'na tantarana ri tammulilina. Tena nisunnaki ke'nanga, namate ngaseng lalang ri pa'bundukang, nampa naung ri linona tau matea. Ri wattunna attallasa' ke'nanga appakamallaki, mingka kamma-kamma anne matemi ke'nanga siagang musti natanggongi siri'-sirika siagang ngaseng sikamma tau matea lalang pa'bundukang.

YEHEZKIEL 32:26

Mesekh siagang Tubal niaki anjoreng, nikulilingi ri kuburu'na sikamma tantarana ke'nanga. Tena nisunnaki ke'nanga, namate ngaseng lalang pa'bundukang. Ri wattunna attallasa' ke'nanga appakamallaki ri linoa.

NAHUM 1:14

Iaminne kaputusanNa Batara ri passala'na bansa Asyur, angkana, “Tenamo turunganna ke'nanga untu' ampannarrusuki jari-jarina bansana. Patung-patung barhala niaka lalang ri balla' rewata-rewatana laKuancuruki. Kupasadiami jera'na bansa Asyur nasaba' tenamo nasiratang ke'nanga attallasa'!”

PAMMILANGNGANG 24:24

Mingka lania' pasukang battu ri Siprus, lanabetai tu Asyur siagang Heber, nampa laancuru' todong anjo pasukanga.”