YEHEZKIEL 32:2 - KITTA' MATANGKASA'

² “He tau, terassi pakainga' karaeng Mesir. Pabattui anne pasangKu ri ia angkana, ‘Ikau appanggaukang kammako singa rungka ri alla'na bansa-bansaya, mingka la'bi sangkammako buaya a'langea lalang ri je'neka. Bangkennu napakapuccaki siagang nara'massi sikontu binangaya.

YEHEZKIEL 32:2 ပူးပေါင်းရင်းမြစ်များ

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

AYUB 41:23

Tena tampa' lu'mu' nia' ri kalenna; Tena olona reppe' lanri sangkammai bassi baja terasa'na.

AYUB 7:12

Angngapa na inakke anne tuli Kijannangngi siagang Kijagai? Apaka inakke anne Kikana' naga tamparang angngeranga bahaya?

PANGNGEBARANG 25:26

Tau bajika, ampappibetangai kalenna mae ri tau dorakaya sanrapangi timbuseng je'ne' pucca' yareka bungung ra'masaka.

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

PANGNGEBARANG 30:30

Singa, olo'-olo' kaminang kassaka ri sikontu olo'-oloka siagang tenaya namalla' manna ri apa-apa mamo;

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YEREMIA 46:7

Inaika anjo naika rapang je'ne'na Binanga Nil, rapang binanga allumpaya je'ne'na mae ri biring-birinna? Iaminjo pa'rasangang Mesir. Nakana kalenna, ‘Lambangunga' nai' nakukoasai buttaya. Lakupanraki kota-kotaya siagang pandudu'na.

YEREMIA 9:18

Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

YEHEZKIEL 26:17

Nampa lakkelong ke'nanga ampakkelongangko lagu pattarawang angkana: Ancuru'mi kota nipakalompoa! Sikontu kappala'na nibarrasa' battu ri tamparang. Riolo pandudu'na koasai ri tamparang na'jari malla' sikamma tau ammantanga ri biring tamparang.

YEHEZKIEL 27:32

Nampa akkelong ke'nanga se're lagu untu' tunitarawang, angkana, ‘O Tirus, inai ampasangkammaiko? O Tirus, kamma-kamma anne tamakkana-kanako lalang tamparang.

YEHEZKIEL 28:12

“He tau, appiraungko untu' karaeng Tirus. Pabattui apa Kupaua, iNakke, Batara Kaminang Tinggia, mae ri ia angkana, ‘Le'bakko a'jari pangngebarang ri apa nikanaya sangga; riolo ikau sanna' cara'de'nu siagang gammarakko.

YEHEZKIEL 29:15

iamintu kaminang lammaya ri sikontu linoa. LaKupa'jariko sanna' lammanu, sa'gennu takkullea ammarenta mae ri bansa-bansa maraeng, yareka ampattampoangi kalennu mae ri ke'nanga.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

YEHEZKIEL 32:16

Anne pappakainga' terasaka la'jari kelong kasusaang. Tubainea battu ri bansa-bansa maraenga lanakelongangi salaku pammatei kasusaang mae ri Mesir siagang sikontu ra'ya'na. INakke, Batara Kaminang Tinggia, anne akkana.”

YEHEZKIEL 32:18

“He tau, susako ri nyawanu lanri ra'ya' Mesir. Kiringi ke'nanga mange ri linona tau matea siagang ngaseng pa'rasangang-pa'rasangang kassa' maraenga.

YEHEZKIEL 34:18

Battu ri kau nia' tena nasangga nasa'ring pa'mai'na punna poro ruku' kaminang bajika nacappu', mingka naonjo'-onjokang tompi ruku' tenaya nakanrei ke'nanga! Angnginungi ke'nanga je'ne' ci'nong nampa napuccakki je'ne' tenaya nainungi ke'nanga!

YEHEZKIEL 38:13

Pandudu'na Syeba, Dedan, siagang sikamma padangganga ri kota-kota pa'rasangang Spanyol lakkuta'nangi mae ri kau kamma anne, ‘Apaka nupagioki tantaranu lanri ero'nuji anrampasa' siagang angngella' bulaeng, pera', olo'-olo', siagang barang-barang maraenga, nampa nuengka' ngaseng sikammaya anjo?’ ”

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

MATIUS 7:24

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.