YEHEZKIEL 32:12 - KITTA' MATANGKASA'

¹² Tantara battua ri bansa-bansa pallaka laKusuroi ambi'buki pa'danna ke'nanga nampa nabuno sikontu ra'ya'nu. Ra'ya'nu siagang sikontu apa nakalompoanga pa'mai'nu laancuru' taba sikali ngasengi.

YEHEZKIEL 32:12 ပူးပေါင်းရင်းမြစ်များ

YEREMIA 46:12

Katallassannu appakasirika, niassemmi ri bansa-bansaya. Sa'ra ammarrannu nilangngere'mi ri sikontu linoa. Tantara se'rea tatto'roi ri tantara maraenga; para tu'guruki ke'nanga ta'bentang naung ri buttaya.

YEHEZKIEL 28:19

Ikau lanynya' mako untu' satunggu-tungguna. Sikontu bansa angngassengiako a'jari annekkere' kabusuki napakamma malla' langkasia' tongi sare kammaya anjo.”

YEHEZKIEL 29:19

Lanri kammana anjo, iNakke Batara Kaminang Tinggia Kukana: Butta Mesir laKupassareangi mae ri Karaeng Nebukadnezar. Lanaellaki siagang lanarampasaki kammayatompa lanaengkaki sikontu anjo kakalumanynyangnganna Mesir salaku sawala'na tantarana.

YEHEZKIEL 30:11

Nebukadnezar siagang tantarana tenaya nangngasseng appamopporang labattui nampa naancuru' anjo buttaya. Lanabunduki ke'nanga Mesir siagang pa'dang, siagang latassiaraki mayaka ri anjo pa'rasanganga.

YEHEZKIEL 31:11

Jari laKutollaki siagang laKupassareangi mae ri pamarenta bansa maraeng, nanagaukang mae ri ia apa situruka siagang panggaukanna.

YEHEZKIEL 31:12

Anjo tantara bansa maraeng tenaya nangngasseng appamopporang lanata'bangi anjo poko'ka nampa nabalang parekang. Tangkenna anjo tepokamo tu'gu'-tu'guru' ngasemmi ri sikontu buluka siagang ka'bunga ri anjo pa'rasanganga. Sikontu bansa niaka irawa kakoasanna la'lampa ngasengi ambokoi.

YEHEZKIEL 32:18

“He tau, susako ri nyawanu lanri ra'ya' Mesir. Kiringi ke'nanga mange ri linona tau matea siagang ngaseng pa'rasangang-pa'rasangang kassa' maraenga.