YEHEZKIEL 31:3 - KITTA' MATANGKASA'

³ Ikau rapangko poko' camara Libanon gammaraka rassi tangke coppong leko'na na ga'ga. Poko'na lambusuki na lompo coppo'na narapiki rammanga.

YEHEZKIEL 31:3 ပူးပေါင်းရင်းမြစ်များ

PAMMUJI 92:12

Kuciniki nibetana musu-musungku, sikamma tau ammentenga untu' ambalianga', kulangngere'mi rancana-rancana ja'dala'na ke'nanga.

YESAYA 37:24

Akkiringko tau untu' akkana borro, angkanaya lanri jaina kareta bundu'nu, nupatundu'mi sikamma moncong kaminang tinggia ri Libanon. Nupattampo-tampoangi kalennu angkanaya le'ba'mi nuta'bang sikamma poko'-poko' camarana kaminang tinggia siagang kaminang ga'gaya, kammayatompa nutarrusu'mi sikamma romang kaminang ka'ba'na.

YEREMIA 17:8

Ia rapangi poko' kayu ri biring binanga assolonga je'ne'na; a'la'baki aka'na sa'genna je'neka. Tena namalla' ri wattu timoro', tuli moncongbulona leko'na. Manna pole nituju pa'rasanganga ri kakalotorang, tena nalussa' lanri tuli nia'na rapponna.

YEREMIA 50:18

Lanri kammana anjo, iNakke, Batara Kaminang Koasaya, iamintu Allata'alana Israel, langhukkungi Karaeng Nebukadnezar siagang pa'rasanganna, sangkamma batena Kuhukkung karaeng Asyur.

YEHEZKIEL 17:22

Iaminne kananNa Batara Kaminang Tinggia, “Battu ri poko' camara tinggia, laKukattiliki pucu'na nampa Kutepo' sipappa' tangke lolona; Kulamungi anjo tangkea ri moncong tinggia nai' ri rammang.

YEHEZKIEL 19:11

Kassa' tangkenna, tagampangai nitepo' siratangi nipare' takkang karaeng. Coppo'na tinggi nai' narapiki rammanga. Nikangngalikangi ri sikontu taua lanri tinggina siagang copponna leko'na.

YEHEZKIEL 31:10

Lanri kammana anjo, iNakke, Batara Kaminang Tinggia, Kupauangko apa lakajarianga mae ri anjo poko' kayu anrapika coppo'na nai' ri rammanga. Nasaba' pila' tinggi pila' tampoi.

YEHEZKIEL 31:16

Ri wattunna Kupanaung anjo pokoka ri linona tau matea, sa'ra tu'guru'na lanapannekkereki bansa-bansaya. Sikontu poko'-pokoka ri Eden siagang poko'-poko' nipilea ri Libanon, ia anggappaya je'ne' allumpa-lumpa, siagang naungamo ri lino kaminang rawaya lasannangi nyawana lanri tu'guru'na anjo poko' kayua.

YEHEZKIEL 31:17

Lanarurungangi ke'nanga mange ri linona tau matea nampa asse're siagang ke'nanga rioloangnganga tu'guru'. Nampa sikontu anjo le'baka ammempo irawanganna anjo poko' kayua lanipasiaraki ri alla'na bansa-bansaya.

YEHEZKIEL 31:5

Lanri tale'baka kurang je'ne'na, coppongi timbona, lompoi na la'bu tangkenna. Battu ri sikontu poko' kayu ri romang, iami kaminang tinggi nai'.

YEHEZKIEL 31:6

Sangka' rupa jangang-jangang a'ru'mung ri tangkenna. Olo'-olo' liaraka ammana' irawa ri la'lanna. Sikontu bansa lompoa ri lino ammempo a'la'lang irawanganna.

YEHEZKIEL 31:8

Poko'-poko' camara ri Eden, kokonNa Allata'ala takkulleai nipasangkamma siagang ia. Tena camara akkulle ambetai, tena poko' kayu la'bu kamma tangkenna. Tojeng, ri kokonNa Allata'ala tena poko' kayu sangkamma ia ga'gana.

YEHEZKIEL 32:22

Asyur anra'bai anjoreng, nikulilingi ri kuburu'na sikamma tantarana. Yangasenna ke'nanga matei lalang pa'bundukang. Kuburu'na ke'nanga niaki ri bageang kaminang irawa ri linona tau matea. Ri wattu attallasa'na ija ke'nanga, appakamallaki mae ri linoa.

DANIEL 4:10

Ri wattungku lalang tinro, nia' kucini' se're poko' kayu attimbo ri tangnga-tangngana buttaya.

DANIEL 4:12

Leko'-leko'na sanna' copponna, siagang teai sipato' roasa'na rapponna, akkullei angganna' nikanre ri bonena sikontu linoa. Olo'-olo' liaraka anra'bai irawa ri la'lanna kammayatompa jangang-janganga a'ru'mungi ri tangke-tangkenna. Na sikontu apa-apa attallasaka akkullei nakanre rapponna.

DANIEL 4:7

Mingka ri wattunna battu nampa kucarita anjo so'naku mae ri sikamma pacinika, sanro cara'deka, tau niaka pangngassenganna siagang tau cara'deka accini' bintoeng, tena manna sitau battu ri ke'nanga akkulle ampakasingaraki apa battuanna anjo so'naku.

ZEFANYA 2:13

Le'baki anjo laNapakemi Batara kakoasanNa untu' angngancuruki Asyur. Kota Niniwe lanipa'jari sino sikali siagang nipa'jari butta kalotoro'.

ZAKHARIA 11:1

He Libanon, sungke ngasengi sikontu pakke'bu'nu, sollanna nakanre pepe' poko'-poko' arasa'nu!

ZAKHARIA 11:2

He poko' daru, appiraungko, lanri rumbammi poko'-poko' camaraya, anra'bami sikamma poko' porea ngaseng. He poko'-poko' lompoa ri Basan, angngarrukko. Nasaba' le'ba'mi nibattasa' romang-romang lompoa sa'genna lappara'.

HAKING-HAKING 9:15

Appialimi anjo rompo' akkatintinga, ‘Punna attojeng-tojeng ngasengko ero' ampa'jaria karaennu, maeko a'la'lang irawangangku. Punna tena nuero' lassuluki pepeka battu ri anne tangke-tangke akkatintingku na natunu ngaseng sa'genna la'busu' sikontu poko'-poko' arasa' niaka ri Libanon.’ ”