YEHEZKIEL 30:9 - KITTA' MATANGKASA'

⁹ Punna narapi' anjo alloa, nampa ancuru'mo Mesir, laKukiringi sikamma suroKu siagang kappala' jai untu' ampata'bangkai tu Sudan tenaya bata-batana, sa'genna a'jari malla'mo ke'nanga. Tojeng, anjo allo kammaya lanarapiki wattunna labattu!”

YEHEZKIEL 30:9 ပူးပေါင်းရင်းမြစ်များ

YESAYA 19:17

Butta Yehuda la'jari appakamallaki mae ri tu Mesir punna nipiu'rangiang ke'nanga mae ri kaputusang le'baka Napattantu Batara Kaminang Makoasaya ri sesena ke'nanga.

YESAYA 20:3

Ri wattunna nitammulilimo kota Asdod ri musu, Nakanamo Batara, “Tallung taummi atangKu Yesaya assolara' siagang tammakea pa'lapa' bangkeng. Iaminne a'jari pammatei ri apa lakajarianga mae ri tu Mesir siagang tu Sudan.

YESAYA 20:5

Sikamma tau ampattoangai Sudan siagang angkalompoang pa'maiki Mesir lala'ba ngasengi pa'mai'na siagang laancuruki pa'minasana.

YESAYA 23:5

Ba'lalo manna tau Mesirka lata'bangka tongi siagang a'jari gegereki punna nalangngereki angkana le'ba'mi niancuru' Tirus.

YESAYA 47:8

Lanri kammana anjo pilangngeriA', he ikau nungaia angngondanga kasannangngang! Nukapangi angkana amangi katallassannu, siagang tena sangkammannu. Tanupikkirai angkana la'jari jandako, siagang talapanrakai turungannu.

YEREMIA 49:21

Punna tu'guruki Edom, lania' kalangngerang karicuang sannaka lompona sa'genna ta'goccang sikontu linoa; sa'ra-sa'ra pakkio'na pandudu'na lakalangngerangi sa'genna mange ri Tamparang Alara'.

YEREMIA 49:31

‘Umba maju! Umba nanibunduki tau nakanaya kalenna amang siagang sannang. Kotana ke'nanga tena pa'la'langanna, lanri tena pakke'bu' lompona siagang tena panjolina.’ ”

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

YEHEZKIEL 27:35

Sikontu tau ammantanga ri biring tamparanga annekkereki allangngereki sarennu. Manna karaeng-karaenna ke'nanga sanna' todong malla'na; anjo malla'na ke'nanga a'nassai ri rupanna ke'nanga.

YEHEZKIEL 33:33

Sikontu anjo apa nupaua lakajariang ngasengi, siagang punna narapiki wattunna, lanaassemmi ke'nanga angkanaya ikau na'bi ri tangnga-tangngana ke'nanga.”

YEHEZKIEL 38:11

Lanupattantui untu' ambunduki anjo pa'rasangang tenaya pattahanganna, pandudu' attallasaka siagang amang na sannang ri kota-kota tenaya nammake tembo' siagang tenaya nammake pattahangngang.

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

AMOS 4:2

INakke, Batara Kaminang Tinggia, iamintu Batara matangkasa', siagang le'ba'Ma' a'janji angkanaya lanire'resangko sallang siagang pakkai'; lasinrapang ngasengko juku' ri mata pekanga.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

ZEFANYA 2:12

Kammayatompa pandudu'na Sudan lanihukkung mate tongi ri Batara.

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

HAKING-HAKING 18:7

Le'baki anjo a'lampami anjo tau limaya nampa mange ri Lais. Anjoreng naparhatikammi ke'nanga pandudu'na. Ma'nassami angkanaya cara katallassanna anjo panduduka ri Lais sangkammai bansa Sidon. Manna nakasa'lakkang ke'nanga, siagang bellai ri bansa Sidon, amangi siagang sannangi katallassanna ke'nanga, tena musunna, bajiki pattallassanna siagang tena kakuranganna ke'nanga manna sike'de'.