YEHEZKIEL 30:16 - KITTA' MATANGKASA'

¹⁶ siagang anjo kotaya lasanna' sessana. Tojeng, laKutunui Mesir. Tembo'-tembo'na kota Tebe laruntungi, siagang anjo kotaya lanitujui ri a'ba.

YEHEZKIEL 30:16 ပူးပေါင်းရင်းမြစ်များ

YEREMIA 44:1

A'bicarai Batara ri nakke ri passala'na sikontu tu Israel niaka ammantang ri Mesir, iamintu ri kota Migdol, Tahpanhes, Memfis, siagang ri daera timborang.

YEHEZKIEL 28:18

Nakana Batara, “He Tirus, ikau nura'massi tampa'-tampa' ibadanu lanri kasalang siagang kajekkongang nugaukanga ri wattunnu a'balu'-balu'. Lanri kammana anjo nakutunuko sa'gennu a'jari sallappara' buttaya. Sikontu tau ancinikiako poro au mami nacini'.

YEHEZKIEL 30:13

Nakana Batara Kaminang Tinggia, “LaKuancuruki barhala-barhalaya siagang rewata-rewataya ri Memfis. Talaniakkamo pole karaeng ri Mesir. Sikontu pandudu'na laKupa'jari mallaki.

YEHEZKIEL 30:14

Sikontu Mesir bageang timboro' laKupa'jari sino sikali siagang kota Soan ri bageang wara' laKutunui. Tebe, anjo ibukotaya laKuhukkungi,

YEHEZKIEL 30:15

siagang laKuancuruki kakalumanynyangnganna. LaKupa'betteseki larroKu mae ri Pelusium, kota a'jaria pattahanganna Mesir,

YEHEZKIEL 30:17

Sikamma tau rungkana kota Heliopolis siagang Bubastis lamatei lalang pa'bundukang siagang sikamma tubai'-bainea lanitahangi.

YEHEZKIEL 39:6

Lappa'niakKa' pepe' akkanre ri butta Magog siagang ri sikamma biring tamparanga, ri daera amanga siagang sannanga katallassanna pandudu'na. Jari naasseng ngasemmi ke'nanga angkanaya iNakkemi Batara.

HOSEA 9:6

Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.