YEHEZKIEL 30:12 - KITTA' MATANGKASA'

¹² LaKupa'jari kalotoroki Binanga Nil siagang Kupassareangi sikontu Mesir mae ri sikamma tau ja'dalaka. LaKusuroi bansa-bansa maraenga angngancuruki anjo sikontu pa'rasanganga. INakke, Batara, anne akkana.”

YEHEZKIEL 30:12 ပူးပေါင်းရင်းမြစ်များ

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

YEREMIA 50:38

Kalotori sikontu binangana siagang kokonna! Nasaba', Babel rassi barhala appakaringi'-ringi', ampa'jari pongoroki sikamma tau anynyombaya ri ia.

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

YEHEZKIEL 28:10

Ikau lamateko sangkamma tau hina, lanri nibunoko ri bansa maraeng, tenaya natappa' ri Allata'ala. INakke, Batara Kaminang Tinggia, anne akkana.”

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

YEHEZKIEL 31:12

Anjo tantara bansa maraeng tenaya nangngasseng appamopporang lanata'bangi anjo poko'ka nampa nabalang parekang. Tangkenna anjo tepokamo tu'gu'-tu'guru' ngasemmi ri sikontu buluka siagang ka'bunga ri anjo pa'rasanganga. Sikontu bansa niaka irawa kakoasanna la'lampa ngasengi ambokoi.

NAHUM 1:4

Naga'garaki tamparanga na'jari kalotoro', Napaccappuki je'ne'na sikontu binangaya. Bulu' Karmel siagang sikamma paranga ri Basan a'jari kalotoroki na kalumeng sikamma bungaya ri Libanon.

1 KORINTUS 10:26

Nasaba' nia' tattulisi' lalang ri Kittaka angkanaya, “Anne linoa siagang sikontu bonena, Batara ngaseng pata.”

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.