YEHEZKIEL 3:27 - KITTA' MATANGKASA'

²⁷ Sallang, punna a'bicarA' pole mae ri kau, nampa Kupa'jari akkulleko ammotere' a'bicara, musti nupabattui kanangKu, iNakke, Batara Kaminang Tinggia, mae ri ke'nanga. Sipa'gang ke'nanga lappilangngeri, mingka sipa'gang maraenga tena, lanri anjo ke'nanga bansa nangai angngewaya.”

YEHEZKIEL 3:27 ပူးပေါင်းရင်းမြစ်များ

YEHEZKIEL 11:25

Nampa kucarita mae ri sikamma tau nipelaka sikontu anjo apa Napappicinikanga Batara mae ri nakke.

YEHEZKIEL 2:4

Kapala batui ke'nanga siagang tena napakalompoA'. Kusuroko mange ri ke'nanga untu' ampabattui kanangKu, iamintu iNakke Batara Kaminang Tinggia, mae ri ke'nanga,

YEHEZKIEL 2:5

apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

YEHEZKIEL 24:27

Ri ia todong anjo alloa lakkulleko a'bicara ammotere' siagang tenamo nupepe. Nampa la'bicara mako siagang anjo taua. Kammami anjo naikau la'jari pammatei mae ri ke'nanga; nampa naassemmo ke'nanga angkanaya iNakkemi Batara.”

YEHEZKIEL 29:21

Punna kajariang anjo passalaka, laKupa'jari Israel bansa kassa', siagang akkulle mako ikau Yehezkiel, laluasa a'bicara, sa'genna sikontu taua akkulle mako napilangngeri. Jari naassemmi ke'nanga angkanaya iNakkemi Batara.”

YEHEZKIEL 3:11

A'lampako mange ri bansanu niaka ri anjo pa'rasangang pammelakkanga, siagang pabattui pasangKu, battu ri Nakke, Batara Kaminang Tinggia; pauangi ke'nanga, apaka napilangngeri yareka tena.”

YEHEZKIEL 3:26

LaKupa'jari ka'doroki lilanu sa'genna takkulleako ampakaingaki anne bansa nangaia angngewa.

YEHEZKIEL 3:9

LaKupa'jari kassakko sangkamma batu karang siagang terasa' sangkamma intang. Teako mallakki mae ri sikamma anjo tau nangaia angngewa.”

YEHEZKIEL 33:22

Ri bangngi tenana nabattu, kupisa'ringimi kakoasanNa Batara. Jari ri wattunna battu anjo taua mae ri nakke, akkullema' a'bicara siagang tenamo nakupepe.

YEHEZKIEL 33:32

Napare' kammako pakelong kelong-kelong passingaiang bajika sa'ranna siagang cara'deka akkarena kacapi. Memang ke'nanga nalangngereki kana-kanannu, mingka tena naturuki.

MATIUS 11:15

Jari punna nia' tolinnu, pilangngerimi!

MATIUS 13:9

Le'ba'na Nacarita Isa anjo pangngebaranga, Nakanamo Isa ri ke'nanga, “Inai-nai nia' tolinna, pilangngerimi baji'-baji'!”

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.