YEHEZKIEL 3:10 - KITTA' MATANGKASA'

¹⁰ Nampa pole Nakana Allata'ala, “He tau, parhatikangi baji'-baji' siagang u'rangi sikontu apa laKupaua mae ri kau.

YEHEZKIEL 3:10 ပူးပေါင်းရင်းမြစ်များ

AYUB 22:22

Tarimai apa Napangngajarranga Batara mae ri kau; boli' ngasengi anjo lalang ri pa'mai'nu.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

PANGNGEBARANG 19:20

Punna nungai appilajara' siagang allangngere' pappakainga', sallang la'jariko tau nia' kacara'dekannu.

PANGNGEBARANG 8:10

Anggaraki pappakaingakku la'biangngang na pera' ti'noka paralluangngangi pangngassenganga la'biangngang na bulaeng ti'noka.

YEHEZKIEL 2:7

Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

YEHEZKIEL 2:8

He tau, pilangngeri apa Kupaua mae ri kau. Teako amminawangngi tongi angngewa. Sungkei bawanu siagang kanrei apa Kupassareanga mae ri kau.”

YEHEZKIEL 3:11

A'lampako mange ri bansanu niaka ri anjo pa'rasangang pammelakkanga, siagang pabattui pasangKu, battu ri Nakke, Batara Kaminang Tinggia; pauangi ke'nanga, apaka napilangngeri yareka tena.”

YEHEZKIEL 3:9

LaKupa'jari kassakko sangkamma batu karang siagang terasa' sangkamma intang. Teako mallakki mae ri sikamma anjo tau nangaia angngewa.”

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

1 TESALONIKA 2:13

Nia' pole maraengannaya a'jari saba' natuli appala' sukkuru' ikambe mae ri Allata'ala. Iamintu, angkanaya ri wattunna napabattu ikambe anjo biritta battua ri Allata'ala, nupilangngeri siagang nutarimai anjo birittaya, teai salaku biritta battu ri rupataua, passangalinna salaku biritta battu ri Allata'ala. KalenNa Allata'ala anggaukangi anjo jama-jamanga lalang ri kalennu, ia matappaka mae ri Almasi.

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!