YEHEZKIEL 27:25 - KITTA' MATANGKASA'

²⁵ A'rurung-rurungi kappala' lompoa angngerangi barang-barang danggangannu. Rapangko kappala' tarraka luranna, kappala' assombali tamparang lompoa.

YEHEZKIEL 27:25 ပူးပေါင်းရင်းမြစ်များ

PA'JARIANG 10:4

Sossoranna Yawan iami a'jari pandudu' ri Elisa, Spanyol, Siprus, siagang Rodes.

1 KARAENG-KARAENG 10:22

Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

PAMMUJI 48:7

Anjoreng annekkereki ke'nanga napakamma malla' siagang pa'risi', sanrapang baine eroka ammana',

PANGNGEBARANG 31:14

Battu bellai angngerang kanre, sanrapang nagaukang kappala'-kappala' padangganga.

YESAYA 2:16

Sikamma kappala' lompoa siagang kaminang ga'gaya lanitallangngang ngasengi.

YESAYA 23:14

Appiraung mako, he sikamma pakappalaka! Le'ba'mi niancuru' kota nupattoanga.

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YEHEZKIEL 27:24

Nabalukangi ke'nanga mae ri kau pakeang ga'gaya, kaeng cura' eja siagang lame butung, kaeng sulang, permadani-permadani sangka' rupaya cura'na, kammayatompa sikamma otere' kassaka.