YEHEZKIEL 27:17 - KITTA' MATANGKASA'

¹⁷ Yehuda siagang Israel napassambei barang-barang danggangannu siagang gandung, je'ne' bani, minynya' zaitun, siagang rampa-rampa.

YEHEZKIEL 27:17 ပူးပေါင်းရင်းမြစ်များ

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

1 KARAENG-KARAENG 5:9

Sikamma ra'yakku langngerangi anjo kayua naung battu ri Libanon mange ri tamparanga. Anjoreng, anjo batang-batang kayua lanasikkoki ke'nanga a'jari raki' nampa lanapalo'loro' ke'nanga ri biring tamparanga sa'genna mange ri tampa' kipattantua. Anjoreng lanibongkaraki anjo raki'-rakika nampa nipassareang mae ri ra'yatta untu' naurusu' pole. Kupalaki battu ri katte nakipasadia apa-apa lanakanrea sikamma tau niaka ri balla' kakaraengangku.”

2 PATTOTTORANG 2:10

Untu' bokonna ngaseng anjo taunta lakukiringanki' ruang rupa gandung, massing-massing 2.000 tong sirupa, je'ne' anggoro' 400.000 litere' siagang minynya' zaitun 400.000 litere'.”

EZRA 3:7

Anynyumbang tommi doe' ra'yaka untu' anggaji tukang batua siagang tukang kayua. Akkiring tommi ke'nanga kanre, inungang siagang minynya' zaitun mange ri kota-kota Tirus siagang Sidon untu' nipassambe siagang kayu camara Libanon battu ri anjo kota-kotaya. Anjo kayu-kayua nierangi mange ri Yafo ammalo tamparang. Yangasenna anjo nagaukangi ra'yaka situru' ising napassareanga Kores, karaeng Persia.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

LAMPA-LAMPANA 12:20

Sanna' larrona Herodes ri tu Tiruska siagang tu Sidonga. Lanri kammana, a'lampami ke'nanga mange andallekang ri ia. Uru-uruna nanyonyo'mi rolong Blastus, iamintu kapalaya ri balla' lompona Herodes, sa'genna sipammentengang Blastus siagang ke'nanga. Le'baki anjo nirurungammi ke'nanga mange andallekang ri Herodes. Appala' damemi ke'nanga ri Herodes, nasaba' apa-apa nikanrea ri pa'rasanganna ke'nanga, sangnging apa-apa battu ri pa'rasanganna Herodes.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

PAOLE 8:8

Anjo pa'rasanganga angngerangi wassele' sangka' rupanna, kammayami gandung, anggoro', rappo ara, rappo delima, poko' zaitun siagang bani.

HAKING-HAKING 11:33

Na'bundu' Yefta sipacappu'-cappu'na ke'nanga. Appakkaramulai battu ri Aroër sa'genna mae ri daera a'biringa ri Minit, nia' ruampulo kota yangasenna. Kammayatompa narapiki sa'genna Abel-Keramim bellana. Sanna' jaina tu Amon mate. Sa'genna nibetamo ke'nanga ri tu Israel.