YEHEZKIEL 27:13 - KITTA' MATANGKASA'

¹³ A'danggangko mange ri Yunani, ri Tubal, siagang Mesekh; na salaku ballinna annarimako battu ri ke'nanga iamintu siapa are tau ata siagang barang-barang tambaga.

YEHEZKIEL 27:13 ပူးပေါင်းရင်းမြစ်များ

PA'JARIANG 10:2

Sikamma ana'na Yafet iamintu: Gomer, Magog, Madai, Yawan, Tubal, Mesekh, siagang Tiras.

PA'JARIANG 10:4

Sossoranna Yawan iami a'jari pandudu' ri Elisa, Spanyol, Siprus, siagang Rodes.

1 PATTOTTORANG 1:5

Ana'-ana' bura'nena Yafet iamintu: Gomer, Magog, Madai, Yawan, Tubal, Mesekh, na Tiras. Iaminne ke'nanga boe-boena bansa-bansa niarenga situru' arenna ke'nanga.

1 PATTOTTORANG 1:7

Turungang battua ri Yawan iamintu: Tu Elisa, Spanyol, Siprus siagang Rodes.

PAMMUJI 120:5

Cilakama' inakke lanri musti attallasakka' siagang ikau; tena simmaraenna ammantang ri Mesekh, yareka ri alla'na tu Kedar.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YEHEZKIEL 27:12

Nubalukangi anjo barang-barang danggangannu alla'bi-la'bia ri Spanyol; na salaku ballinna annarima mako pera', bassi, tima kebo', siagang tima le'leng.

YEHEZKIEL 32:26

Mesekh siagang Tubal niaki anjoreng, nikulilingi ri kuburu'na sikamma tantarana ke'nanga. Tena nisunnaki ke'nanga, namate ngaseng lalang pa'bundukang. Ri wattunna attallasa' ke'nanga appakamallaki ri linoa.

YEHEZKIEL 39:1

Nakana Batara Kaminang Tinggia, “He tau, ancangi Gog, karaeng lompo battua ri pa'rasangang Mesekh siagang Tubal, siagang pauangi angkanaya iNakke anne musunna.

DANIEL 10:20

Nampa appialimi angkana, “Nuassengi angkana apa saba'na kubattu mae ri kau? Iamintu untu' ampauangko apa tattulisika lalang ri Kitta' Katojenganga. Kamma-kamma anne musti ammoterekka' mange a'bundu' siagang malaeka' pajagana Persia. Le'baki anjo labattui malaeka' pajagana Yunani. Tena lantulunga' pantaranganna malaeka' Mikhael, iamintu malaeka' pajagana Israel, bansanu.

DANIEL 11:2

Siagang anjo apa lakupaua mae ri kau kammatojengi.” Nakana anjo malaekaka, “Tallu karaeng maraeng lammarenta ri Persia, nipinawang ri karaeng makaappa', iamintu la'bi kalumanynyanga na maraengannaya. Ri coppo' kakoasanna siagang kakalumanynyangnganna, la'gassing-gassingangi siagang kakaraengang Yunani.

DANIEL 8:21

Anjo bembe lakia, iami pangngebarranna kakaraengang Yunani, siagang anjo tanru' assuluka ri alla'na ruaya matanna, iamintu karaenna makase'rea.

YO"EL 3:3

Nagoccangi ke'nanga untu' ampattantui angkanaya inai anggappai tunitahanga. Nabalukangi ke'nanga tuloloa siagang turungkaya untu' nipa'jari ata. Nampa doe'na napakei ke'nanga assundala' siagang untu' angnginung anggoro'.

YO"EL 3:6

Pandudu'na Yehuda siagang Yerusalem nuerangi a'lampa bella battu ri pa'rasanganna; nampa nubalukang mae ri bansa Yunani.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.