YEHEZKIEL 27:12 - KITTA' MATANGKASA'

¹² Nubalukangi anjo barang-barang danggangannu alla'bi-la'bia ri Spanyol; na salaku ballinna annarima mako pera', bassi, tima kebo', siagang tima le'leng.

YEHEZKIEL 27:12 ပူးပေါင်းရင်းမြစ်များ

PA'JARIANG 10:4

Sossoranna Yawan iami a'jari pandudu' ri Elisa, Spanyol, Siprus, siagang Rodes.

1 KARAENG-KARAENG 10:22

Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

2 PATTOTTORANG 9:21

Jai todong kappala' lompona Salomo assombalaka ri tamparang lompoa siagang kappala'-kappala'na Hiram. Tallun taung sikali ammotereki sikamma anjo kappalaka angngerang bulaeng, pera', gading gaja, dare' siagang jangang-jangang ga'ga.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

YESAYA 2:16

Sikamma kappala' lompoa siagang kaminang ga'gaya lanitallangngang ngasengi.

YESAYA 23:10

A'lampamako mange anjamai kokonnu, he pandudu'na Tarsis, saba' tenami papparekang kappala'nu.

YESAYA 23:14

Appiraung mako, he sikamma pakappalaka! Le'ba'mi niancuru' kota nupattoanga.

YESAYA 23:6

Appiraung mako siagang lari mako mange ri Tarsis, he pandudu' niaka ri biring tamparanga.

YESAYA 60:9

Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YEREMIA 10:9

Nilapisiki siagang bulaeng na pera' nieranga battu ri Spanyol siagang kota Ufas, yangasenna bate pare'na tucara'deka siagang panre bulaenga. Pakeanna battu ri kaeng lame butung toa siagang lame butung lolo cura'na, bate jamana tau cara'deka attannung baji'.

YEHEZKIEL 27:11

Tantara battua ri Arwad a'jaga ri tembo'-tembo'nu; sikamma menaranu nijagai ri tau battua ri Gamad. Pannangkisi'na ke'nanga ta'gentungi a'jiji'-jijiri' ri tembo'nu. Iaminjo ke'nanga antambai kaga'gannu.

YEHEZKIEL 27:13

A'danggangko mange ri Yunani, ri Tubal, siagang Mesekh; na salaku ballinna annarimako battu ri ke'nanga iamintu siapa are tau ata siagang barang-barang tambaga.

YEHEZKIEL 27:16

Padanggang battua ri pa'rasangang Siria naballi barang-barang danggangannu siagang anjo wassele'nu jaia. Nabayarakko ke'nanga siagang paramata battu ri batu samru', kaeng cura' eja na lame butung, kaeng sulang, lenang alusu', paramata battu ri batu korala' siagang batu eja delima.

YEHEZKIEL 27:18

Pandudu'na Damaskus naballi barang-barang danggangannu siagang wassele'nu na nabayarakko siagang anggoro' battu ri Helbon, bulu gimbala' battu ri Sahar, bassi de'de' siagang rampa-rampa.

YEHEZKIEL 27:33

Ri wattunna nusombali tamparang lompoa siagang lurang tarraka bonena, nupirassi sikamma paralluna bansa-bansaya; sikamma karaenga nupa'jari kalumanynyang ngaseng.

YEHEZKIEL 28:16

Tenamo sawenu napakamma a'balu-balu', siagang iaminjo angngerangko mange ri katerassanga siagang dosaya. Jari kubongka mako battu ri bulu' matangkasakKu, siagang malaeka' pajaganu angngembako battu ri tangnga-tangngana anjo paramata accillaka.

YEHEZKIEL 28:5

Memang, ikau cara'dekko a'danggang siagang kamma-kamma anne kalumanynyang kalupepeang mako; nampa anjo kakalumanynyangngannu napa'jari tampo mako!’ ”

YEHEZKIEL 38:13

Pandudu'na Syeba, Dedan, siagang sikamma padangganga ri kota-kota pa'rasangang Spanyol lakkuta'nangi mae ri kau kamma anne, ‘Apaka nupagioki tantaranu lanri ero'nuji anrampasa' siagang angngella' bulaeng, pera', olo'-olo', siagang barang-barang maraenga, nampa nuengka' ngaseng sikammaya anjo?’ ”

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

PAPPICINI' 18:12

Tenamo amballi bulaenna, pera'na, paramatana, siagang mutiarana ke'nanga; kammayatompa kaeng lenang, kaeng lango-lango, sa'be, siagang kaeng eja toa; a'rupa-rupa kayu langkaraka nigappa, barang-barang gadinga siagang kayu-kayu ka'jalaka ballinna, tambagaya, bassia siagang batu laccu' keboka;