YEHEZKIEL 26:8 - KITTA' MATANGKASA'

⁸ Pandudu'na sikontu kotaya ri bontoa lanibunoi lalang pa'bundukanga anjo. Musua langngekei kaloro'-kaloro' pattahangngang, appare' tembo'-tembo' pakkurung siagang anynyusung pannangkisi'-pannangkisi' lompo untu' napake ke'nanga salaku pattahangngang angngewako.

YEHEZKIEL 26:8 ပူးပေါင်းရင်းမြစ်များ

2 SAMUEL 20:15

Nalangngere'mi ana' buana Yoab angkanaya niaki Seba anjoreng; nampa nakurummo ke'nanga anjo kotaya. Appatambummi butta ke'nanga ri tammulilina tembo' bageang pantarang nampa appakkaramula angngeke butta irawanganna anjo temboka sollanna narumbang anjo temboka.

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 52:4

lanri kammana anjo battumi Karaeng Nebukadnezar siagang sikontu tantarana nampa nabunduki Yerusalem ri tanggala' sampulo bulang sampulo ri taung makasalapang pamarentahanna Zedekia. Ambangungi ke'nanga pattahangngang ri pantaranna kotaya, ambangungi tembo' pakkurung,

YEREMIA 6:6

Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

YEHEZKIEL 26:6

Lanaellaki ke'nanga siagang lanabunoi panduduka ri kota-kota niaka ri bontona Tirus. Jari naassemmi pandudu'na Tirus angkanaya iNakke Batara.”

YEHEZKIEL 26:9

Lanarumbangi ke'nanga tembo'-tembo'nu siagang pakkakasa' panrumbang siagang naruntungi menara-menaranu siagang polongang-polongang bassi.

HABAKUK 1:10

Nacau-caui ke'nanga karaeng-karaenga siagang nakakkali pagawe-pagawe tinggia. Nagampangangi sikamma pattahangnganga siagang natambungi butta nampa naalle anjo pattahangnganga.

LUKAS 19:43

Nia' sallang se're wattu nabattu musunnu ampangngalakkiko ri tammulilinu; lanakurungko ke'nanga, siagang lanabundukiko battu ri sikontu oloang niaka ri tammulilinu.